Viru kuerzen huet \u2014 op Ufro vum Myriam Cecchetti vun D\u00e9i L\u00e9nk \u2014 an der Chamber eng \u201cheure d\u2019actualit\u00e9\u201c zur Situatioun vum Personal an de Kompetenzzentre fir d\u2019schoulesch Inklusioun stattfonnt.<\/p>\n
D\u2019APCCA an den SEW\/OGBL begr\u00e9issen d\u00e9i Initiativ. Bei der Chambersdebatt koum och kloer zu Sprooch, wat fir Problemer sech um Niveau vun der Definitioun vun der T\u00e2che vum edukativen a psychosoziale Personal an de Kompetenzzentre stellt. D\u00e9i meescht Parteien sch\u00e9ngen sech awer bewosst ze sinn dass do ee Problem besteet an dass eng Iwwerbelaaschtung vum Personal op der Plaz ass, zu Onzefriddenheet oder souguer Ofg\u00e4ng f\u00e9iert. Eng m\u00e9i kloer Pr\u00e4zisioun vun der T\u00e2che ass n\u00e9ideg fir d\u00e9i verschidden Aufgaben eng realistesch Definitioun an Organisatioun vun den Aufgaben ze garant\u00e9ieren.<\/p>\n
Fir d\u2019APCCA an den SEW\/OGBL ass dat mat deem Accord deen de Minister am November 2021 alleng mat 3 Edukateursassociatiounen aus der CGFP ausgehandelt huet, net de Fall. Villes an deem Accord bleift vague an ass net der Komplexit\u00e9it vun den Aufgaben an de Kompetenzzentren ugepasst.<\/p>\n
Just als Beispill: den Accord ges\u00e4it ganzer 40 Stonnen d\u2019Joer fir Gespr\u00e9icher mat den Elteren vir. D\u2019edukatiivt a psychosoziaalt Personal hunn also ongef\u00e9ier eng Stonn d\u2019Woch fir mat den Elteren ze schw\u00e4tzen \u2014 wuelverstane mat den Eltere vun alle Kanner d\u00e9i si betreien.<\/p>\n
Letzten Endes bleift et dob\u00e4i, dass an der Realit\u00e9it d\u2019Personal weider guer net anescht w\u00e4ert k\u00ebnnen, w\u00e9i onbezuelten Iwweraarbecht leeschte fir d\u2019Kanner ugemoossen k\u00ebnnen ze betreien.<\/p>\n
D\u2019APCCA an den SEW\/OGBL wollten dow\u00e9inst weider mam Minister verhandelen an hunn him dat och den 4.2.2022 an enger Entrevue matgedeelt. De Minister huet sech awer geweigert weider ze verhandelen. Doropshin hu mir eis d\u00e9cid\u00e9iert de Litige anzereechen.<\/p>\n
Mir mussen an deem Zesummenhang e puer Saachen nach eng K\u00e9ier kloerstellen. De Minister huet n\u00e4mlech f\u00e4lschlecherweis behaapt, d\u2019APCCA wier jo bei de Verhandlungen dob\u00e4i gewiescht, mee si h\u00e4tt keng Kompromissbereetschaft gewisen an et h\u00e4tt ee kee Konsens mat hinne k\u00ebnne fannen, contrairement zur verst\u00e4nneger CGFP (Zitat Minister Meisch: \u201cWann een eppes w\u00ebll maachen, wat d’Strooss h\u00e4lt, m\u00e9cht een et mat de Gewerkschafte vun der CGFP.\u201c).<\/p>\n
A Wourecht ass et awer sou, dass d\u2019APCCA, d\u00e9i dr\u00e4i Associatioune vun der CGFP an d\u2019APPSAS (Personalvertriedung vun de SePAS) an alle R\u00e9uniounen mam Minist\u00e8re eng gemeinsam Positioun verdeedegt huet. Bis op eemol, ab dem 1. Oktober 2021, op alle S\u00e4iten \u201eFunkstille\u201c war\u2026 bis mir de 16. November 2021 aus der Press gewuer gi sinn, dass de Minister mat der CGFP een Accord \u00ebnnerschriwwen huet.<\/p>\n
Mir waren also bei de Verhandlungen vun deem Accord guer n\u00ebt dob\u00e4i \u2014 a konnten also logescherweis och guer keng Komprom\u00ebsser agoen!<\/p>\n
An der Litigeprozedur muss ee feststellen, dass de Minister an d\u2019CGFP och un engem Strang z\u00e9ien an elo unisono a Fro stellen, dass iwwerhaapt ee Litige besteet, well jo schonns een Accord \u00ebnnerschriwwe guef \u2014 een Accord bei deem d\u2019APCCA an den SEW\/OGBL jo awer guer net abezu goufen! Dass dann eis souguer soll verweigert ginn, fir iwwert de Wee vum Litige de Minister zr\u00e9ck op den Verhandlungsd\u00ebsch ze br\u00e9ngen, ass \u201cdu jamais vu\u201c \u2014 an et ass kaum ze gleewen dass eng Gewerkschaft sou eng Verletzung vun internationalen Normen vun der Internationaler Arbechtsorganisation (OIT) a letzten Endes vum Streikrecht vum betraffene Personal ka matdroen a souguer aktiv \u00ebnnerst\u00ebtzt, andeems si sech einfach weigert iwwerhaapt Vertrieder an d\u2019Schlichtungskommissioun ze nennen.<\/p>\n
D\u2019APCCA an den SEW\/OGBL waarden am Moment op d\u2019D\u00e9cisioun vun der Presidentin vun der Schlichtungskommissioun, an halen sech zugl\u00e4ich all juristesch Schr\u00ebtt op. Et wier awer bedauerlech wann et souw\u00e4it misst kommen, well et misst jo awer allen Akteuren \u00ebm gutt Aarbechtskonditiounen an eng qualitativ h\u00e9ichw\u00e4erteg Prise en charge vun de Kanner mat spezifesche Besoinen goen!<\/p>\n
An dass nach net alles gekl\u00e4ert ass, weise lo och d\u00e9i l\u00e4scht Stellungnahmen. D\u2019Associatioune vun der CGFP \u00ebnnerstr\u00e4ichen dass bei der \u00cbmsetzung vum Accord vum November 2021 am Comit\u00e9 d\u2019accompagnement awer nach eng Partie Punkten ze kl\u00e4re sinn. An et ass bis haut nach kee Projet de loi zur \u00cbmsetzung vum Accord d\u00e9pos\u00e9iert ginn, obwuel d\u00e9i nei Dispositiounen schonns am September a Kraaft trieden!<\/p>\n
Dofir eisen Appell un de Minister Meisch: kommt zr\u00e9ck un de Verhandlungsd\u00ebsch! Kommt, mir sichen zesumme L\u00e9isungen fir eng ad\u00e4quat Definitioun vun den T\u00e2chen fir dat edukatiivt an psychosoziaalt Personal vun de Kompetenzzentren!<\/p>\n
Matgedeelt vun APCCA an SEW\/OGBL, den 27. Juni 2022<\/b><\/p>","protected":false},"author":1,"featured_media":3197,"template":"","categorie_communiques":[49],"syndicat":[77],"acf":[],"yoast_head":"\r\n