![\"interview_andre_roeltgen\"](\"https:\/\/www.ogbl.lu\/wp-content\/uploads\/communiques\/interview_andre_roeltgen.jpg\")
Den OGBL rifft seng Memberen dozou op, de 7. Juni beim Referendum an der zentraler Fro iwwert d\u2019Ausl\u00e4nnerwalrecht mat \u201ejo\u201c ze st\u00ebmmen. Firwat eigentlech?<\/strong><\/p>\nAndr\u00e9 Roeltgen<\/em>: Eist Land ass een Immigratiounsland, an dat net er\u00e9ischt z\u00ebnter g\u00ebschter. Haut si m\u00e9i w\u00e9i 45% vun eiser Bev\u00eblkerung vu friemer Nationalit\u00e9it. D\u00e9i vun hinnen, d\u00e9i iwwert 10 Joer hei zu L\u00ebtzebuerg liewen, wunnen a schaffen an all d\u00e9i selwecht Obligatiounen hunn, w\u00e9i ee L\u00ebtzebuerger, mussen un der national politescher W\u00ebllensbildung deelhuele k\u00ebnnen. D\u2019Walrecht muss zwangsleefeg fir dee g\u00ebllen, deen zu engem Land geh\u00e9iert \u2013 a si geh\u00e9ieren zu L\u00ebtzebuerg, si si Bierger vu L\u00ebtzebuerg. D\u2019Walrecht als fundamentaalt demokratescht Recht steet hinnen zou. Den OGBL huet sech schonns op sengem leeschte Kongress am Dezember an d\u00ebser Fro position\u00e9iert. An d\u2019Fro w\u00e9i se elo gestallt g\u00ebtt \u2013 fr\u00e4iw\u00eblleg Participatioun, Mindestopenthaltsdauer vun 10 Joer an eng K\u00e9ier un Europa- oder Kommunalwalen deelgeholl ze hunn \u2013 entspr\u00e9cht dene Krit\u00e4ren, d\u00e9i mir eis ginn hunn, fir d\u00ebs Erweiderung vum Walrecht z\u2019\u00ebnnerst\u00ebtzen. Dofir rifft den OGBL ganz kloer seng Memberen dozou op, an d\u00ebser Fro mat JO ze st\u00ebmmen.<\/p>\n Wat bedeit dat am Fong, bei d\u00ebser Fro mat Jo ze st\u00ebmmen?<\/strong><\/p>\n Andr\u00e9 Roeltgen<\/em>: Ween de 7. Juni mat Jo st\u00ebmmt, st\u00ebmmt g\u00e9int ee schw\u00e9ieren demokrateschen Defizit vun eiser Gesellschaft, ween de 7. Juni mat Jo st\u00ebmmt st\u00e4erkt d\u00e9i demokratesch Legitimit\u00e9it vun de Parlamentswahlen hei zu L\u00ebtzebuerg, st\u00e4erkt L\u00ebtzebuerg als ee Land vum demokratesche Fortschr\u00ebtt a st\u00e4erkt L\u00ebtzebuerg als Gesellschaft insgesamt.<\/p>\n Fir den OGBL selwer huet di Fro och eng ganz speziell Bedeitung?<\/strong><\/p>\n Andr\u00e9 Roeltgen<\/em>: Jo, vill vun eise Membere si betraff, den OGBL insgesamt, d\u2019Gesiicht vun eiser Gewerkschaft, dat historescht, dat vun haut an dat vu muer ass gepr\u00e4gt vun eisen immigr\u00e9ierten Aarbechtskolleginnen an Aar-bechtskollegen. Iwwert d\u2019Sozialwahlen, an der Beruffskummer, an de Sozialvers\u00e9cherungen an an de Betriber, huelen si um demokratesche Prozess vun der Matbest\u00ebmmung scho l\u00e4ngst m\u00e9i w\u00e9i just deel. Duerch si ass d\u2019Gewerkschaft gest\u00e4erkt ginn, duerch si ass d\u2019Matbest\u00ebmmung gest\u00e4erkt ginn an dat muss elo och fir d\u00e9i national politesch Entscheedunge g\u00ebllen. De Jo si mir eise Membere sch\u00eblleg.<\/p>","protected":false},"author":1,"featured_media":4211,"template":"","categorie_communiques":[41],"syndicat":[],"acf":[],"yoast_head":"\r\n