Am Verlaf vun deenen honnert Joer huet sech eis Gewerkschaft staark ver\u00e4nnert.<\/p>\n
Souwuel den Opbau, w\u00e9i och d\u2018Fonctionnement vun eiser Organisatioun hu sech st\u00e4nneg gewandelt. D\u00e9i eenzel Strukturen, d\u00e9i eenzel Gremien, d\u2019Hierarchie an d\u2019Vernetzung an d\u2018Zesummenaarbecht t\u00ebscht hinnen, m\u00e4 och hirt d\u2018Gewiicht an den internen Entscheedungsprozesser, an zulescht d\u2019Finanz\u00e9ierung vun der gewerkschaftlecher Aktivit\u00e9it woren \u00ebmmer er\u00ebm de G\u00e9igestand vu Ver\u00e4nnerungen a vu Reformen.<\/p>\n
W\u00e4r dat net esou gewiescht, h\u00e4tten d\u00e9i Diskussiounen, Entscheedungen a Reformen net stattfond, da g\u00e9if et d\u00e9i fr\u00e4i Gewerkschaftsbeweegung hei zu L\u00ebtzebuerg net m\u00e9i ginn.<\/p>\n
Den OGBL selwer w\u00e4r 1979 iwwerhaapt net entstanen an en h\u00e4tt sech net zu d\u00e4r Gewerkschaft k\u00ebnnen entw\u00e9ckelen, d\u00e9i se haut ass, n\u00e4mlech zur f\u00e9ierender Gewerkschaft hei zu L\u00ebtzebuerg.<\/p>\n
Eng Gewerkschaft d\u00e9i na\u00efscht un hirer St\u00e4erkt an un hirem Afloss verl\u00e9iere w\u00ebll, eng Gewerkschaft d\u00e9i sech weiderentw\u00e9ckele w\u00ebll, d\u00e9i d\u00e4erf och an hirem Opbau an an hirem Fonctionnement ni stoe bleiwen.<\/p>\n
Si muss sech \u00ebmmer er\u00ebm an de Spigel kucken, \u00ebmmer er\u00ebm muss si hiren eegenen Checkup maachen.<\/p>\n
An \u00ebmmer er\u00ebm muss si sech d\u2019Fro stellen, ob hir eenzel Gremien a Strukturen, ob hir ganz Funktiounsweis dat br\u00e9nge wat se sollen.<\/p>\n
A wann \u2018Diagnose gestallt g\u00ebtt, datt et strukturell Defiziter a Schw\u00e4chte g\u00ebtt, d\u00e9i d\u2018gewerkschaftlech Handlungsf\u00e4hegkeet belaaschten oder beantr\u00e4chtegen, d\u00e9i d\u2019Gewerkschaft ofbremsen, d\u00e9i se drun h\u00ebnneren nei Potentialer ze entfalen, dann ass den Z\u00e4itpunkt reif fir Ver\u00e4nnerungen, dann ass d\u2019Z\u00e4it komm fir sech unzepassen, fir ze r\u00e9ag\u00e9ieren a fir nei Wee\u00ebr anzeschloen.<\/p>\n
Eng Organisatioun, d\u00e9i dat net m\u00e9i kann oder d\u00e9i et net m\u00e9i w\u00ebll, eng Organisatioun, d\u00e9i de richtegen Z\u00e4itpunkt zum Wandel verpasst, d\u00e9i ass op Z\u00e4it kondamn\u00e9iert, d\u00e9i verl\u00e9iert Schr\u00ebtt fir Schr\u00ebtt u Kraaft an u St\u00e4erkt, d\u00e9i strahlt net m\u00e9i d\u00e9i Attraktivit\u00e9it aus, d\u00e9i se brauch fir an enger sech weider ver\u00e4nnernder Gesellschaft hiren Afloss ze behalen a laangfristeg Bestand\u00a0 ze hunn.<\/p>\n
Dat wor an de leschten honnert Joer esou, dat ass elo am Joer 2016 esou an dat w\u00e4ert och an de kommende Joerz\u00e9ngten esou sinn.<\/p>\n
All St\u00ebllstand ass schlecht, well all St\u00ebllstand Synomym vu R\u00e9ckschr\u00ebtt ass.<\/p>\n
An hirer Geschicht huet eis Organisatioun de ganz grousse M\u00e9rite, datt si de richtegen Zuch ni verpasst huet.<\/p>\n
Zu verschiddenen historeschen Z\u00e4itpunkten huet si d\u00e9i Ver\u00e4nnerungen an der Gesellschaft identifiz\u00e9iert an erkannt, d\u00e9i net n\u00ebmmen d\u00e9i direkt gewerkschaftlech Interessensvertriedung virun nei Aufgaben gestallt hunn, m\u00e4 d\u00e9i gl\u00e4ichz\u00e4iteg och d\u00e9i eegen intern Struktur an d\u2018internt Fonctionn\u00e9iere vun der Gewerkschaft mat der Noutwendegkeet vun Upassung a Ver\u00e4nnerung konfront\u00e9iert hunn.<\/p>\n
De Prozess vun der Ver\u00e4nnerung a vun der Upassung huet vill Gesiichter. E wor meeschtens eng Kombinatioun vun op der enger S\u00e4it ville klenge Schr\u00ebtt, d\u00e9i lafend duerchgefouert goufen an op der anerer S\u00e4it vu regelrechte qualitative Spr\u00e9ng, d\u00e9i a ganz kuerzer Z\u00e4it d\u00e9i ganz intern Struktur a Funktiounsweis vun der Gewerkschaft betraff hunn. D\u2019Gr\u00ebnnung vum LAV no dem zweete Weltkrich a vum OGBL am Joer 1979 si wuel d\u00e9i \u00a0beschte Beispiller fir den zweete Fall.<\/p>\n
H\u00e4tt den LAV sech Enn de 70-ger Joeren net fir d\u00e9i gewerkschaftlech Vereenheetlechung vun de Statuter vum Aarbechter a vum Privatbeamten ausgeschwat an domat d\u2019Gr\u00ebnnung vum OGBL an d\u2019Wee\u00ebr geluet, da w\u00e4r eis Gewerkschaft haut eng kleng minorit\u00e4r an aflosslos Gewerkschaft an eng FEP oder en LCGB oder nach eng ganz aner Gewerkschaft h\u00e4tten haut d\u2019Soen an der Gewerkschaftswelt.<\/p>\n
An \u00ebmgedr\u00e9int hunn anerer den historeschen Zuch deemols verpasst.<\/p>\n
Den NHV, duerno NGL, oder d\u00e9i Deeler vun der FEP, d\u00e9i net matgaange sinn, sinn haut entweder ganz oder bal ganz vun der Bildfl\u00e4ch verschwonnen.<\/p>\n
An nach anerer hu sech \u00ebnnerwee an den OGBL erafusion\u00e9iert.<\/p>\n
D\u2018Gr\u00ebnnung vum OGBL wor e grousse qualitative Sprong, m\u00e4 et w\u00e4r falsch d\u00ebsen als e Broch unzegesinnn.<\/p>\n
Villm\u00e9i wor et e Sprong, dee laang virdrun ugereift ass, vill kleng Schr\u00ebtt virdrun hunn e prepar\u00e9iert an iwwerhaapt er\u00e9ischt m\u00e9iglech gemaach.<\/p>\n
D\u2019Gebuert vum OGBL wor e Wandel an der Kontinuit\u00e9it.<\/p>\n
An domat ass fir eisen aussergew\u00e9inleche Kongress vun haut dat richtegt Wuert gefall.<\/p>\n
Kontinuit\u00e9it. Kontinuit\u00e9it heescht \u201enet stoe bleiwen, m\u00e4 weidergoen a weider opbauen\u201c.<\/p>\n
A weider opbauen heescht, datt ee seng Fundamenter net zerst\u00e9iert an a St\u00e9cker zerleet, m\u00e4 datt ee seng Fundamenter op R\u00ebss \u00ebnnersicht, hir Statik iwwerpr\u00e9ift.<\/p>\n
A jiddereen hei banne weess, datt kleng R\u00ebss nach einfach ze fl\u00e9cke sinn. A jidderee weess, datt R\u00ebss, wa se net gefl\u00e9ckt gi, weider wuessen, zu \u00ebmmer m\u00e9i grousse Schied f\u00e9ieren an hir Reparatur \u00ebmmer m\u00e9i schw\u00e9ier a m\u00e9i deier g\u00ebtt. Oder, datt R\u00ebss esou schl\u00ebmm k\u00ebnne ginn, datt n\u00e4ischt m\u00e9i ze maachen ass.<\/p>\n
Et ass eng historesch St\u00e4erkt vum OGBL a senge Virg\u00e4ngerorganisatioune, vu sengen \u00e9irenamtlechen an haaptamtleche Gewerkschaftler vu g\u00ebschter a vun haut, datt d\u2019Aaen \u00ebmmer grouss op sinn, d\u2019Oueren \u00ebmmer gesp\u00ebtzt si, fir d\u2019R\u00ebss rechtz\u00e4iteg z\u2019erkennen an d\u00e9i noutwenneg Reparature firzehuelen.<\/p>\n
Dat ass de Wandel an der Kontinuit\u00e9it.<\/p>\n
Dat ass d\u00e9i permanent St\u00e4erkung vun eise Fundamenter fir eis op nei Aufgaben ze prepar\u00e9ieren a se unzegoen.<\/p>\n
An de Wandel an der Kontinuit\u00e9it ass e Prozess vu st\u00e4nneger Analys, vu rechtz\u00e4iteger Diagnos, vun enger interner demokratescher Diskussioun, vun eisem gemeinsame W\u00ebllen, Intelligenz, Erfahrung a Motivatioun, vun eiser aller S\u00e9il als Gewerkschafter, fir de Kampf, fir d\u00e9i gemeinsam Saach vun eise Memberen a vum gesamte Salariat hei zu L\u00ebtzebuerg.<\/p>\n
Wann ee Leeschtung br\u00e9nge w\u00ebll, da muss de Kierper gesond sinn. An de Kierper vun eiser Gewerkschaft sinn eis Strukturen an hirt Fonctionnement. Si sinn eise Skelett, eis Organer an eis Muskelen. A w\u00e9i beim m\u00ebnschleche Kierper, sou ass och d\u2019Gewerkschaft \u00ebmmer n\u00ebmmen esou gesond a staark, w\u00e9i et och all hir eenzel Strukturen sinn.<\/p>\n
An all eenzel Struktur huet hir Aufgab, d\u00e9i se fir dat grousst Ganzt z\u2019erf\u00ebllen huet. Dem OGBL seng Strukture bestinn net aus Selbstzweck, m\u00e4 si sinn d\u2018M\u00ebttel zum Zweck.<\/p>\n
Hir Legitimatioun steet a f\u00e4llt mam B\u00e4itrag fir eis gemeinsam Saach. An d\u00e9i gemeinsam Saach ass d\u2019gewerkschaftlech Interessensvertriedung an all hire Facetten.<\/p>\n
An hei l\u00e4it de sprangende Punkt.<\/p>\n
D\u2019gewerkschaftlech Interesse vun de schaffende Leit sinn absolut n\u00e4ischt statesches, m\u00e4 si\u00a0 sinn an enger st\u00e4nneger Beweegung.<\/p>\n
Et sinn d\u00e9i sech ver\u00e4nnernd Aarbechts- a Liewensbed\u00e9ngungen an eiser Gesellschaft, d\u00e9i d\u00ebs Entw\u00e9cklung undreiwen an dozou f\u00e9ieren, datt sech souwuel eis gewerkschaftlech Programmer, m\u00e4 och d\u2018Aart a Weis vun der gewerkschaftlecher Interessensvertriedung st\u00e4nneg ver\u00e4nneren an upasse mussen.<\/p>\n
D\u2019Aarbechtswelt vun haut m\u00e4 och d\u2019Liewenswelt vun haut hu sech am Verglach zu 1979, dem Joer vun der Gr\u00ebnnung vum OGBL, ganz staark ver\u00e4nnert.<\/p>\n
An d\u00e9i Ver\u00e4nnerungen hunn e ganz groussen Impakt op d\u2019Ausgesi vun eise gewerkschaftlechen Interessen, op eis Programmatik.<\/p>\n
A si hunn e groussen Impakt op d\u2019Man\u00e9ier an op d\u2019Methode vun der Vertriedung vun de gewerkschaftlechen Interessen, an domat op eis gewerkschaftlech Aktivit\u00e9it an op eis Strukturen, d\u00e9i d\u00e9i gewerkschaftlech Aktivit\u00e9it organis\u00e9iere mussen.<\/p>\n
Dofir ass et haut wichteg, datt mer d\u00e9i Ver\u00e4nnerunge m\u00e9i genee \u00ebnnert d\u2018Lupp huelen.<\/p>\n
Mir liewen a schaffe weiderhin \u00ebnnert kapitalistesche Produktiounsverh\u00e4ltnisser.<\/p>\n
D\u2019Verh\u00e4ltnis t\u00ebscht Kapital an Aarbecht an d\u00e9i g\u00e9iges\u00e4tzlech Interessen, d\u00e9i d\u00ebst Verh\u00e4ltnis ervirbr\u00e9ngt maache grad w\u00e9i virun 100 Joer och am Joer 2016 op S\u00e4ite vum Salariat d\u00e9i kollektiv organis\u00e9iert Interessensvertriedung a Form vun der Gewerkschaft noutwendeg.<\/p>\n
D\u2019Gewerkschaftsbeweegung ass alles aneschtes w\u00e9i an enger Legitimatiounskris.<\/p>\n
Wat sech allerd\u00e9ngs ge\u00e4nnert huet, ass d\u00e9i wirtschaftlech Produktioun, d\u00e9i sech \u00ebnnert dem Androck vum techneschen a w\u00ebssenschaftleche Fortschr\u00ebtt weider entw\u00e9ckelt huet.<\/p>\n
Wat haut produz\u00e9iert g\u00ebtt a virun allem w\u00e9i a mat welche M\u00ebttelen haut produz\u00e9iert g\u00ebtt, ass op ville Punkten net m\u00e9i vergl\u00e4ichbar mat deem wat mer aus der Vergaangenheet kannt hunn. A w\u00e4ert et muer nach vill manner sinn.<\/p>\n
A wat fir d\u2019Betribswelt, fir d\u2018Organisatioun an d\u2018Struktur vun de Betriber, fir d\u2018Aarbecht g\u00ebllt, g\u00ebllt och, an dat ass net manner wichteg, fir d\u2019Aart a Weis w\u00e9i mir an eiser Gesellschaft liewen. Och do huet sech ganz villes ge\u00e4nnert. Eis Liewensbed\u00e9ngungen an eis Liewensgewunnechte sinn net m\u00e9i d\u00e9i selwecht, d\u00e9i et g\u00ebschter woren.<\/p>\n
Op L\u00ebtzebuerg bezunn, sinn net n\u00ebmme ganz nei Wirtschaftsber\u00e4icher an \u2013aktivit\u00e9iten beikomm.<\/p>\n
An d\u00e9i wirtschaftlech Diversifiz\u00e9ierung dr\u00e9ckt sech net n\u00ebmmen an der Implantatioun an an der Ausbreedung vun neie Wirtschaftsbera\u00efcher aus, m\u00e4 och an der Weiderentw\u00e9cklung vun den traditionelle Wirtschaftsber\u00e4icher. An net ze vergiessen: L\u00ebtzebuerg ass doriwwer eraus zum Wirtschaftszentrum vun der Groussregioun ginn.<\/p>\n
Wann op der enger S\u00e4it d\u2019Gewiicht vun der Stolindustrie an der Industrie an eiser Wirtschaft zer\u00e9ckgaangen ass, sou ass et op der anerer S\u00e4it zu enger enormer Entw\u00e9cklung am D\u00e9ngschtleeschtungsber\u00e4ich komm.<\/p>\n
Nieft dem Banke,- Finanz- an Assurancesekteur sinn et eng Multitud vun aneren D\u00e9ngschtleeschtungsber\u00e4icher, d\u00e9i sech an enger verh\u00e4ltnism\u00e9isseg kuerzer Z\u00e4it implant\u00e9iert oder staark ausgebreed hunn. An et ass haut keen Enn vun der Entw\u00e9cklung ofzegesinnn.<\/p>\n
Hei schw\u00e4tze mer vun all Zort vu Berodungs- an Etudefirmen, vun der Welt vun de Medien, der Publicit\u00e9it an der Kommunikatioun, vun der Logistik an dem Transport, vun der Informatik an der digitaler Economie, vun der Innovatioun a Recherche, den Ing\u00e9nieurs- an Architektebureauen, de Botzfirmen, der kollektiver Restauratioun, de S\u00e9cherheetsfirmen, der UNI a vu villes aneschtes m\u00e9i.<\/p>\n
D\u2019wirtschaftlech Diversifikatioun, d\u2019Groussgi vum Wirtschaftsstanduert L\u00ebtzebuerg a vum wirtschaftlechen Akommes hunn doriwwer eraus gl\u00e4ichz\u00e4iteg zu engem staarken Uwuessen an zu ville qualitativen Entw\u00e9cklunge vum Handwierk- an der Bauwirtschaft, dem Handel an der Restauratioun an H\u00f4tellerie gefouert. A vergiesse mer ofschl\u00e9issend och net de grousse Wandel am l\u00ebtzebuergesche Gesondheets-, Sozial- a Bildungswiesen w\u00e9i och an all deenen aneren \u00ebffentlechen D\u00e9ngschtleeschtungsber\u00e4icher.<\/p>\n
Ech brauch net m\u00e9i ze widerhuelen, datt all d\u00ebs Entw\u00e9cklungen op S\u00e4ite vum Salariat zu ganz ville Ver\u00e4nnerunge gefouert hunn. Souwuel wat all Facette vun der Aarbecht ubelaangt, w\u00e9i och alles wat mat der Liewenskonditioun, der Liewensgestaltung an de Liewensgewunnechten ze dinn huet.<\/p>\n
An ech prob\u00e9ieren elo e puer Punkten ervir ze str\u00e4ichen, d\u00e9i fir d\u2019Opstellung an d\u2019Weiderentw\u00e9cklung vun eiser Gewerkschaft besonnesch wichteg sinn.<\/p>\n
D\u00e9i ver\u00e4nnert Betribswelt huet dozou gefouert, datt sech och d\u2019Aarbecht, hir Inhalter an hir Organisatioun ausseruerdentlech ver\u00e4nnert a virun allem och diversifiz\u00e9iert hunn. Dat g\u00ebllt och fir d\u2019Aarbechtsbed\u00e9ngungen.<\/p>\n
Vill nei Beruffer a Qualifikatioune sinn entstanen.<\/p>\n
D\u2019Z\u00e4it vun de Grondausbildungen an de Studien ass an d\u2019Luucht gaangen an huet dozou gefouert, datt e groussen Deel vun der Jugend vill m\u00e9i sp\u00e9it w\u00e9i fr\u00e9ier an den Aarbechtsprozess tr\u00ebtt.<\/p>\n
Gl\u00e4ichz\u00e4iteg ass d\u2018Mobilit\u00e9it bei der Aarbecht an de Qualifikatioune staark eropgaangen. En Aarbechtsplazwiessel oder esouguer e Beruffswiessel ginn \u00ebmmer m\u00e9i zur Regel statt zur Ausnahm.<\/p>\n
An d\u00e9i kontinu\u00e9ierlech Fort- a Weiderbildung w\u00e4hrend dem Beruffsliewe spillt bei de berufflechen an domat och bei de soziale Perspektiven eng \u00ebmmer m\u00e9i grouss Roll.<\/p>\n
D\u2019\u00cbnnerscheeder bei den Aarbechtsbed\u00e9ngungen, \u00ebnner anerem bei den Aarbechtsz\u00e4iten, hunn och \u00ebmmer m\u00e9i zougeholl, an och hei k\u00ebnnege sech weider grouss Ver\u00e4nnerunge mat ganz neie Qualit\u00e9iten un.<\/p>\n
A vergiesse mer net all d\u00e9i nei Formen vun der Hierarchis\u00e9ierung an de Betriber, grad esou w\u00e9i och d\u2019Aarbechtsdeelung mat alle hire Forme vun Auslagerunge bis zu den neie Forme vu prek\u00e4ren Aarbechtsverh\u00e4ltisser an Aarbechtskontrakten.<\/p>\n
Mir musse gesinn, datt haut e Salariat, trotz Eenheetsstatut, alles aneschtes w\u00e9i eppes Uniformes ass.<\/p>\n
D\u2019Salariat besteet aus verschiddene Schichten, \u00ebnnerschiddleche Beruffer a Qualifikatioune, mat ganz vill \u00ebnnerschiddlechen Aarbechtssituatiounen an Aarbechtsbed\u00e9ngungen.<\/p>\n
An et g\u00ebtt \u00ebnnerschiddlech Situatioune vu S\u00e9cherheet, Aarbechtsplaz-, berufflecher a sozialer S\u00e9cherheet.<\/p>\n
An och d\u2018Generatiounsfro spillt opgrond vun de schnellen a permanente Ver\u00e4nnerungen am Aarbechtsprozess eng \u00ebmmer m\u00e9i grouss Roll.<\/p>\n
An et sinn nach e puer aner Entw\u00e9cklungen, d\u00e9i mir haut an eiser Diskussioun mat a Betruecht z\u00e9ie mussen.<\/p>\n
D\u00e9i \u00e9ischt ass d\u00e9i vum R\u00f4le vun der Fra an eiser Gesellschaft, d\u00e9i sech staark ver\u00e4nnert huet a sech weider staark ver\u00e4nnere w\u00e4ert.<\/p>\n
An ee vun de wichtegste Momenter ass, datt haut eng ganz grouss Majorit\u00e9it vun de Fra\u00eb schaffe geet an dat bis op e puer Ausnahmen an alle Beruffsbera\u00efcher.<\/p>\n
D\u00ebs Tatsaach huet natiirlech hir Repercussioun op d\u2019Gestaltung vum Privat- a Beruffsliewen, vun der Erz\u00e9iung a vun der Fr\u00e4iz\u00e4it, an dat esou wuel fir d\u2019Fra w\u00e9i fir de Mann.<\/p>\n
Eng weider Entw\u00e9cklung ass, datt ronn 2\/3 vum Salariat haut zu L\u00ebtzebuerg aus der Immigratioun k\u00ebnnt oder als Grenzg\u00e4nger all Dag iwwert Grenz bei eis schaffe k\u00ebnnt.<\/p>\n
An der Kompositioun vum Salariat maachen haut d\u00e9i franz\u00e9isch, d\u00e4itsch a belsch Grenzg\u00e4nger ronn 40% aus. Ouni si h\u00e4tt L\u00ebtzebuerg sech net zum Wirtschaftszentrum vun der Groussregioun entw\u00e9ckele k\u00ebnnen.<\/p>\n
Wann ech haut op all d\u00e9i Ver\u00e4nnerungen hiweisen, d\u00e9i sech an eiser Gesellschaft gemaach hunn a weider maache w\u00e4erten, dann net fir ze behaapten, datt den OGBL all d\u00e9i doten Entw\u00e9cklunge verschlof h\u00e4tt.<\/p>\n
M\u00e4 ech hunn drop higewise, fir zwee ganz wichteg Punkten ze verd\u00e4itlechen:<\/p>\n
\u00c9ischtens.) All d\u00ebs Entw\u00e9cklunge schafe vill nei gewerkschaftlech Interessen, Bed\u00fcrfnisser an Erwaardungen beim Salariat.<\/p>\n
A wa mir den Usproch w\u00eblle weider oprechterhalen, datt mer als Gewerkschaft d\u2019Gesamtsalariat vertriede w\u00ebllen, da muss sech eis Gewerkschaft als f\u00e4heg erweisen, d\u00ebs Interessen op eng efficace Man\u00e9ier vertrieden ze k\u00ebnnen.<\/p>\n
An dat g\u00ebllt souwuel fir d\u00e9i Interessen, d\u00e9i jidderee betreffen, onofh\u00e4ngeg dovu wou a wat ee schafft, onofh\u00e4ngeg dovun op Mann oder Fra, onofh\u00e4ngeg dovun op Grenzg\u00e4nger, Immigrant oder Awunner vu Gebuert, onofh\u00e4ngeg dovun zu welcher Generatioun ee geh\u00e9iert an onofh\u00e4ngeg dovu welcht Aarbechtsstatut een huet oder ob een net m\u00e9i am aktiven Aarbechtsliewen ass.<\/p>\n
M\u00e4 d\u2019Interessen op eng efficace Man\u00e9ier ze vertrieden, bedeit awer och, datt ee f\u00e4heg ass, op all d\u00e9i spezifisch gewerkschaftlech Interessen ago\u00ebn ze k\u00ebnnen, d\u00e9i sech aus all deen opgezielten \u00ebnnerschiddleche berufflechen a soziale Situatiounen erginn.<\/p>\n
Zweetens.) ech hu gesot, datt et falsch w\u00e4r ze behaapten, datt den OGBL d\u00e9i Entw\u00e9cklunge verpasst h\u00e4tt.<\/p>\n
Eleng seng Gr\u00ebnnung am Joer 1979 ass dat beschte G\u00e9igenargument. Si war eng grouss an noutwenneg Reaktioun op d\u2019Changementer.<\/p>\n
An et ass am Verlaf vu senger Geschicht zu weidere strukturellen Upassunge komm, fir d\u00e9i nei Erausfuerderungen unzegoen.<\/p>\n
An ech w\u00ebll der dr\u00e4i nennen, d\u00e9i sech bis haut duerch d\u00e9i ganz Geschicht vum OGBL z\u00e9ien.<\/p>\n
D\u2019Ver\u00e4nnerungen an der Betribs- an Aarbechtswelt hunn am OGBL zu engem verst\u00e4rkten Opbau vu senge Syndikater gefouert an et ass him doduerch gelongen net n\u00ebmmen d\u00e9i traditionell Sekteure gewerkschaftlech weider ze st\u00e4erken, m\u00e4 et ass em och gelongen, sech an neie Sekteuren, an nei Aarbechts- a Beruffssparten Fouss ze faassen a sech ze entfalen.<\/p>\n
Eng zweet Upassung ass iwwert de Wee vun eisen Abteilungen \u00ebmgesat ginn. Den D\u00e9partement des Immigr\u00e9s, d\u2019Fra\u00ebnabteilung, d\u2019Privatbeamtenabteilung, d\u00e9i no der Af\u00e9ierung vum Eenheetsstatut an d\u2019Abteilung vum Salariat iwwergaangen ass, den Departement vun der Fonction Publique oder relativ rezent d\u2019Schafung vum Departement vun den travailleurs handicap\u00e9s sinn e puer Beispiller fir d\u00ebs Entw\u00e9cklung.<\/p>\n
An eng dr\u00ebtt grouss Upassung, d\u00e9i noutwendeg ginn ass, wor d\u00e9i weider Professionalis\u00e9ierung a virun allem och de personellen Ausbau bei der individueller Berodung a Betreiung vun eise Memberen. Haut ass eis Berodungs- a Betreiungsstruktur, de SICA, net m\u00e9i ewech ze denken aus eiser alldeeglecher gewerkschaftlecher Aktivit\u00e9it am D\u00e9ngscht vum eenzelne Member.<\/p>\n
All d\u00ebs Entw\u00e9cklungen um Niveau vun eise Strukturen an um Niveau vun eisem Fonctionnement woren noutwendeg fir de weideren Opbau vun eiser Gewerkschaft.<\/p>\n
Si hunn an der Kontinuit\u00e9it stattfond, et wor e permanente Prozess a mir sinn haut zesumme fir er\u00ebm eng K\u00e9ier op der Basis vun den objektiven Entw\u00e9cklungen an der Gesellschaft, am Wirtschafts-, Betribs- an Aarbechtsliewen d\u00e9i Ajustementer bei eise Strukturen, an eisem Fonctionnement ze d\u00e9cid\u00e9ieren an an d\u2019Wee\u00ebr ze leeden, fir d\u2019Perenit\u00e9it a fir d\u00e9i weider St\u00e4erkung vun eiser Gewerkschaft, vun der fr\u00e4ier Gewerkschaftsbeweegung hei zu L\u00ebtzebuerg ofzes\u00e9cheren.<\/p>\n
Ech hu vun de Berufsssyndikater geschwat.<\/p>\n
Ech hu vun den Abteilunge geschwat.<\/p>\n
An ech hu vun der individueller Berodung a Betreiung geschwat.<\/p>\n
Dat ass awer net de ganzen OGBL.<\/p>\n
Den OGBL, grad esou w\u00e9i seng Virg\u00e4ngerorganisatioun, den LAV, huet eng sougenannten dualistesch Struktur. Nieft de Syndikater besteet de Pilier vu senger geographescher Struktur an Aktivit\u00e9it a Form vu senge lokale Sektiounen a Regionalen.<\/p>\n
D\u00e9i historesch Roll vun der lokaler Struktur fir d\u2019Entstehung a fir d\u2018Weiderentw\u00e9cklung vun der fr\u00e4ier Gewerkschaftsbeweegung ass vun entscheedender Bedeitung.<\/p>\n
Am Ufank stongen net d\u2019Syndikater w\u00e9i mer se haut kennen, m\u00e4 \u2013 an ech huelen als Beispill d\u2019Joer 1921 \u2013 wou sech d\u2018gewerkschaftlech Aktivit\u00e9it iwwert 7 lokal Industriegruppen an iwwert sougenannt Ortsgruppen organis\u00e9iert huet.<\/p>\n
Et wor och d\u2019Z\u00e4it, wou d\u00e9i verschidde Gewerkschaftsheemer gegr\u00ebnnt goufen, zu Diddeleng, Remel\u00e9ng, Esch, D\u00e9ifferdeng, Rodange a Sch\u00ebffleng.<\/p>\n
\u201eMir mussen en eegent Heem kr\u00e9ien, an deem mer eis treffen a berode k\u00ebnnen, ouni vun der Polizei a Gendarmerie iwwerwaacht ze ginn\u201c.<\/p>\n
Dat sinn d\u2019Wieder vu Kr\u00e9iesch Tun, deen laang duerno, an zwar 1966 zum Ulass vun eiser 50-ger Feier, d\u2019Gr\u00ebnnung vum Diddelenger Gewerkschaftsheem am Joer 1923 beschriwwen huet.<\/p>\n
D\u2019Gewerkschaftsheemer op der lokaler Basis woren d\u00e9i zentral Plaz vun der Gewerkschaft.<\/p>\n
Hei si Vertrauensleit aus de Betriber zesummekomm, fir sech ze versammelen an ze beroden, hei si se mat de Memberen aus der Lokalit\u00e9it zesummekomm, hei ass d\u2019Verbindung zu de Genossenschaften hirgestallt ginn, hei sinn d\u2019Sektiounsbiblioth\u00e9iken an d\u2019Aarbechterbildung organis\u00e9iert ginn, an hei ass den Eenzelnen a Sozial- a Lounfroe beroden an him gehollef ginn.<\/p>\n
An hei wor och d\u2019Plaz an den Ausgangspunkt vun der Organisatioun vun de gewerkschaftlechen Aktiounen, Manifestatiounen bis hin zu de Streikbeweegungen.<\/p>\n
An d\u2018Aktioune sinn och iwwert d\u2019lokal Strukture finanz\u00e9iert ginn. Esou woren et beispillsweis d\u2018lokal Strukturen, d\u00e9i de M\u00e4erzstreik am Joer 1921 finanz\u00e9iert hunn.<\/p>\n
Virun allem er\u00e9ischt mat der Gr\u00ebnnung vum LAV, nom 2. Weltkrich, f\u00e4nken d\u2019Syndikater u m\u00e9i staark an Erscheinung ze trieden.<\/p>\n
Nieft de lokale Sektiounen an de Beziirker, ginn et Syndikatsleedunge fir d\u2019Biergaarbechter, fir d\u2019Metallaarbechter, fir d\u2019Bau- an d\u2019Holzaarbechter, fir d\u2019Brauereien, fir d\u2019\u00ebffentlech Betriber an interessanterweis och fir d\u2019Jugend a fir d\u2018\u201cSozialrentner\u201c.<\/p>\n
1946 huet sech de gesamte Gewerkschaftsapparat aus just 8 Haaptamtlechen zesummegesat: 3 fir d\u2019Exekutiv vun der Gewerkschaft, de President, de Generalsekret\u00e4r, den Tr\u00e9sorier a 5 gewielte Beziirkssekret\u00e4ren.<\/p>\n
D\u2019Syndikat \u201eSozialrentner\u201c gouf 1951 ofgeschaf, well, an ech zit\u00e9ieren \u201eet jo kee Beruff ass, wann ee Pension\u00e4r oder Sozialrentner ass.\u201c Deen \u00e9ischte richtegen, well ausschliesslich haaptamtleche Verhandlungssekret\u00e4r ass er\u00e9ischt 1961, an zwar fir de Ber\u00e4ich vum Biergbau an der Schw\u00e9ierindustrie agestallt ginn.<\/p>\n
D\u00e9i sougenannten dualistesch Gewerkschaftsstruktur, d\u00e9i esou entstanen ass, d\u2019lokal Sektiounen engers\u00e4its an d\u2019Syndikater anerers\u00e4its ass dann um leschte Statutekongress vum LAV am Joer 1972 \u00ebnnermauert ginn.<\/p>\n
Deemols sinn och fir d\u2019Repr\u00e4sentatioun vu besonnesche Gruppeninteressen d\u2019Abteilungen agefouert ginn, nieft der Jugend ass d\u2019Gr\u00ebnnung vun engem \u201eRentnerausschuss\u201c d\u00e9cid\u00e9iert ginn.<\/p>\n
1978, ee Joer virun der Gr\u00ebnnung vum OGBL goufen et 6 Syndikater mat 4 Verhandlungssekret\u00e4ren a 6 Beziirkssekret\u00e4ren.<\/p>\n
Mam OGBL ass 1979 d\u2019Zuel vun de Syndikater op 12 eropgaangen, an d\u2019Abteilunge fir d\u2019Fraen, d\u2019Privatbeamten a fir d\u2019Handwierker si beikomm.<\/p>\n
A senger Grondsazried am Dezember 1978 \u00ebnnerstr\u00e4icht de John Castegnaro d\u00e9i m\u00e9i staark Vertriedung vun de Syndikater am OGBL g\u00e9igeniwwer dem LAV, hie betount d\u2018Lassl\u00e9isung vum Prinzip vun enger exklusiver Beruffsgewerkschaft an d\u2019Iwwerwanne vun dem getrennten Aarbechter- a Beamtestatut an der Gewerkschaft.<\/p>\n
Trotz der Tarifautonomie fir d\u2019Syndikater bleift hir Autonomie als Gewerkschaften ageschr\u00e4nkt, fir d\u2019Konkurrenz an d\u2019Auserneendriften a schwierege Froen ze \u00ebnnerbannen.<\/p>\n
Hie ges\u00e4it d\u2019Syndikater niewend de Lokalsektiounen a Regionalen am Verband, dee selwer zoust\u00e4nneg ass fir d\u00e9i gesamt Gewerkschaftspolitik.<\/p>\n
De John Castegnaro huet sech deemols eng gewerkschaftlech Aarbechtsdeelung t\u00ebscht der lokaler Struktur, also de Sektiounen an de Regionalen engers\u00e4its, an den Syndikater anerers\u00e4its virgestallt.<\/p>\n
Vun zwou S\u00e4iten aus sollt dat eenzelt Gewerkschaftsmitglied, m\u00e4 och den eenzelnen aktive militante Gewerkschafter encadr\u00e9iert a betreit ginn.<\/p>\n
Woub\u00e4i et an \u00e9ischter Linn d\u2019Sektiounen an d\u2019Regionale sollte sinn, iwwert d\u00e9i nieft der individueller Betreiung virun allem Verbreedung an \u2019Diskussioun vun den allgemenge gewerkschaftspolitische Positioune vum OGBL a vun de lokalen oder regionalen Froen am Vierdergrond stoe sollten.<\/p>\n
Datt dat awer net esou einfach sollt ginn, geet schons 1984 aus dem T\u00e4tegkeetsbericht vum Regionalverband Norden fir d\u2019Z\u00e4itperiod 1979-1983 erfir. Ech erlabe mer den Text ze zit\u00e9ieren:<\/p>\n
\u201eDie Aufgabe, die den Sektionen in diesem Gef\u00fcge zuf\u00e4llt, ist im wesentlichen die Verbreitung der gesellschaftspolitischen Vorstellungen unseres Verbands. Am Arbeitsplatz bleibt bekanntlich keine Zeit f\u00fcr derartige \u00dcberlegungen. (\u2026) Es gibt nur den Weg des direkten Kontakts mit den bestehenden Gesellschaftsschichten im lokalen Alltag, eine geradezu ideale Plattform, die Evolution zu unserem Vorteil zu nutzen. (\u2026) Die Hektik und die damit verbundenen Lebensgewohnheiten unserer heutigen Zeit haben Bedeutung und Aufgabe der Lokalsektionen etwas in den Hintergrund r\u00fccken lassen. Es ist an uns, diese Rolle (an die Zeit angepasst) wieder im Vordergrund spielen zu lassen und damit zu unterstreichen, dass die Daseinsberechtigung von Lokalsektionen auch heute noch nicht in Frage gestellt ist. \u201e<\/i><\/p>\n
De Regionalverband Norden huet schon deemols gespuert, wat am gaange wor ze kommen, n\u00e4mlech, datt nei Liewensgewunnechten d\u2019Bedeitung an d\u2019Roll vun der Lokalsektioun a Fro k\u00e9inte stellen.<\/p>\n
Fir \u2019Daseinsberechtegung vun der lokaler Struktur ze legitim\u00e9ieren misst d\u2019Roll vun der Lokalsektioun un d\u2019Z\u00e4it ugepasst ginn, fir iwwert de Wee vum direkte Kontakt mat de bestoende Gesellschaftsschichten am lokalen Alldag gesellschaftspolitesch Positiounen ze verm\u00ebttelen.<\/p>\n
D\u00ebsen Text huet eng gew\u00ebsse Genialit\u00e9it, well esouwuel d\u2019Analys, w\u00e9i och d\u2019Konklusioun d\u00e9i richteg woren.<\/p>\n
Wat d\u2019Analys betr\u00ebfft esou muss een se awer kompl\u00e9t\u00e9ieren.<\/p>\n
D\u2019Bedeitung vun de lokale Strukturen ass an all de Joeren duerno net n\u00ebmmen duerch d\u2019Liewensgewunnechten vun eise Memberen zer\u00e9ckgaangen, m\u00e4 si huet ofgeholl, well am Verglach zu de fr\u00e9ieren Z\u00e4iten opgrond vun den allgemenge, wirtschaftleche, betriblechen a gesellschaftlechen Entw\u00e9cklungen \u00ebmmer m\u00e9i grouss Deeler vun der individueller a kollektiver gewerkschaftlecher Interessensvertriedung vun anere Strukture vun der Gewerkschaft iwwerholl gi sinn.<\/p>\n
Alles wat mat den Aarbechtsinteressen um betribleche Plang zesummenh\u00e4nkt, ass vun de Syndikater vum OGBL opgefaange ginn.<\/p>\n
Si hunn als Struktur d\u2019Rel\u00e8ve iwwerholl a si hu se missten iwwerhuele, well d\u00ebs Aufgaben, objektiv gesinn, net m\u00e9i aneschtes w\u00e9i iwwert zentral Strukturen organis\u00e9iert konnte ginn.<\/p>\n
D\u2019Betreiung vun honnerten an honnerten Betriber aus enger Vielfalt vu wirtschaftleche Sekteuren mat haut iwwert 2000 Personaldeleg\u00e9ierten, Diversifit\u00e9it an d\u2019Spezifik vun de gewerkschaftlechen Interessen a Bed\u00fcrfnisser, d\u2018Verhandlung vun de Kollektivvertr\u00e4g an d\u2019Aleede vu gewerkschaftlechen Aktiounen, w\u00e9i och Diffusioun vun der Propaganda an den Informatiounen huet d\u2019Zentralis\u00e9ierung an d\u2019Professionalis\u00e9ierung a Form vun den Syndikater an hiren zentralen Organen noutwendeg gemaach.<\/p>\n
Et gouf an et g\u00ebtt och haut keng Alternativ zu d\u00ebser Form vun der Struktur.<\/p>\n
D\u2019Entlokalis\u00e9ierung vun der Betribswelt an domat vun der gewerkschaftlecher Aktivit\u00e9it ass nach duerch eng aner ganz wichteg Entw\u00e9cklung beschleunegt ginn: n\u00e4mlech duerch d\u00e9i geographesch Mobilit\u00e9it vum Salariat, an anere Wierder: haut schaffen d\u00e9i allermeescht hei zu L\u00ebtzebuerg net m\u00e9i do, wou se wunnen, an domat ass och ee ganz anere wichtege Lien t\u00ebscht der Aarbechtswelt mat der lokaler gewerkschaftlecher Aktivit\u00e9it verluer gaangen.<\/p>\n
D\u00e9i lokal Interessensvertriedung ass awer och nach op engem anere Plang vun enger anerer Struktur iwwerholl, transf\u00e9r\u00e9iert ginn.<\/p>\n
Et handelt sech \u00ebm d\u00e9i individuell Betreiung a Berodung vun eise Memberen a sozial- an aarbechtsrechtleche Froen, d\u00e9i z\u00ebnter dem Joer 2005 vum SICA gemaach g\u00ebtt.<\/p>\n
Wann och beim SICA d\u00e9i lokal Antenne weiderbestinn an esouguer nach weider ausgew\u00e4it gi sinn, esou ass haut d\u00e9i individuell Betreiung a Berodung vun eise Memberen opgrond vun der gewuessener Komplexit\u00e9it vun den aarbechts- a sozialrechtleche Mati\u00e8ren, opgrond vum informatis\u00e9ierten Traitement an opgrond vun der Entw\u00e9cklung vun de Kommunikatiounsm\u00e9iglechkeeten net m\u00e9i m\u00e9iglech ouni eng h\u00e9ich professionalis\u00e9iert an zentral organis\u00e9iert Struktur w\u00e9i de SICA eng ass.<\/p>\n
An och hei konnt den OGBL keen anere Wee goen an et g\u00ebtt aus ville quantitativen a qualitative Gr\u00ebnn och kee Wee m\u00e9i zer\u00e9ck. An dee Wee ass bei w\u00e4item net ofgeschloss. An de kommende M\u00e9int a Joere muss eise SICA weider opgebaut a verfeinert ginn, fir op d\u2019Bed\u00fcrfnisser, d\u2019Erwaardungen an d\u2019Interessen, d\u00e9i haut eis Memberen hunn, esou agoen ze k\u00ebnnen, w\u00e9i et muss sinn.<\/p>\n
A wann ech kuerz op d\u2019Liewensgewunnechten d\u00e4erf zer\u00e9ckkommen, dann ass haut ganz villes anescht, net n\u00ebmme par Rapport zu 1984, m\u00e4 ech k\u00e9int esouguer d\u2019Joer 1994 oder 2004 als Vergl\u00e4ich huelen.<\/p>\n
D\u2019Fra am Aarbechtsprozess, eng Jugend, d\u00e9i m\u00e9i laang stud\u00e9iert a m\u00e9i sp\u00e9it an den Aarbechtsprozess antr\u00ebtt, d\u00e9i nei Organisatioun vum Privat- a Familljeliewen, d\u00e9i total ver\u00e4nnert Situatioun bei der Mobilit\u00e9it, net n\u00ebmmen wat de Wee op d\u2019Aarbechtsplaz ubelaangt, m\u00e4 och d\u00e9i bei allen aneren Aktivit\u00e9iten, an dat net n\u00ebmmen hei am Land an an der Groussregioun m\u00e4 bis w\u00e4it an d\u2019Welt eraus, ee Fr\u00e4iz\u00e4it-, Sport- a Kulturugebot, dat sech explosiv entw\u00e9ckelt huet, d\u2019Entw\u00e9cklung beim gesellschaftleche Konsum insgesamt an och d\u00e9i explosiv chang\u00e9iert M\u00e9iglechkeete vun der Kommunikatioun an Informatioun.<\/p>\n
Alles dat huet nei Bed\u00fcrfnisser an Interessen erfirbruecht an eis Verhalensweisen, eist d\u2018Liewe staark ver\u00e4nnert. All Generatioune sinn dovu betraff, t\u00ebscht de Generatioune ginn et vill Iwwerlappungen, m\u00e4 \u00ebt ginn awer och grouss Differenzen.<\/p>\n
All d\u00ebs Entw\u00e9cklungen, hir Breed, hir D\u00e9ift an hiren Tempo, ginn all Strukture vum OGBL \u00ebppes un.<\/p>\n
N\u00e4ischt d\u00e4erf stoe bleiwen a mir mussen eis \u00ebmmer m\u00e9i schnell op d\u00e9i Changementer astellen a r\u00e9ag\u00e9ieren.<\/p>\n
Zumols da, wa mir eist d\u2019Prinzip vun der kontinu\u00e9ierlecher Upassung beibehale w\u00ebllen an d\u00e9ifgr\u00e4ifend Br\u00e9ch evit\u00e9iere w\u00ebllen, d\u00e9i da pass\u00e9iere musse, wa mir passiv bleiwen an de richtegen Z\u00e4itpunkt verpassen.<\/p>\n
Virun e puer Joer wor ech deemols als Generalsekret\u00e4r op eng gemeinsam Konferenz vun de Regionalverb\u00e4nn ageluede ginn, d\u00e9i zesummekomm woren, fir sech mat dem Zoustand vun der lokaler Gewerkschaftsaarbecht ze besch\u00e4ftegen.<\/p>\n
D\u2019Zer\u00e9ckgoe vun den Aktivit\u00e9iten, de Schwund beim aktive Matmaachen vun de Gewerkschaftsmitglieder an de Problem, datt et \u00ebmmer m\u00e9i schw\u00e9ier ginn ass, Interessenten am Allgemengen, a Jugendlecher am Besonneschen ze fanne, fir an de Sektioune matzeschaffe woren den Ausl\u00e9iser zu d\u00ebser Konferenz.<\/p>\n
Munches ass duerno prob\u00e9iert ginn, m\u00e4, an do musse mer alleguerte mat eis \u00e9ierlech sinn, m\u00e4r sinn z\u00ebnter deem net wesentlech weiderkomm.<\/p>\n
Dofir huet d\u00e9i um Kongress vum OGBL am Dezember 2014 eest\u00ebmmeg beschlosse Resolutioun eis den Optrag ginn, eis d\u2019Fro vun der Zukunft vun der lokaler Struktur am OGBL ze stellen.<\/p>\n
E Joer laang hu mer an enger Aarbechtsgrupp an an der Exekutiv d\u2019Situatioun analys\u00e9iert a prob\u00e9iert Solutiounen ze fannen.<\/p>\n
An eisen Diskussiounen hu mir eis vun Ufank un dofir ausgeschwat, datt den OGBL sech net vu senger geographescher Struktur verabschiede soll.<\/p>\n
Et h\u00e4tt een d\u2019Fro vun der Daseinsberechtegung, vun der Legitimatioun an de Virdergrond k\u00e9inte r\u00e9ckelen. Mir hunn et net gemaach.<\/p>\n
Et h\u00e4tt een d\u2019Fro vun der Legitimatioun vun de St\u00ebmmrechter vun der geographescher Struktur an den ieweschte Gremie vun eiser Organisatioun opwerfe k\u00ebnnen. Mir hunn et net gemaach.<\/p>\n
An d\u00e9i selwecht Remarque g\u00ebllt och fir d\u2019Finanz\u00e9ierung a fir d\u2019finanziell Autonomie vun de lokale Strukturen. Mir hunn et net gemaach.<\/p>\n
Mir hunn et net gemaach, well mer der Meenung sinn, datt et nach eng Chance g\u00ebtt, fir datt d\u00e9i lokal gewerkschaftlech Aktivit\u00e9it er\u00ebm en neien Elan ka kr\u00e9ien.<\/p>\n
Datt si et er\u00ebm f\u00e4erdeg ka br\u00e9ngen de lokale Kontakt zu alle Schichten an zu alle Generatioune vun eise Memberen a Gewerkschaftler ze kr\u00e9ien.<\/p>\n
Datt et hinne gel\u00e9ngt, wat 1984 de Regionalverband Norden als Roll fir hir Daseinsberechtegung beschriwwen huet, n\u00e4mlech bei der Vebreedung vun de gesellschaftspolitische Virstellunge vum OGBL op eng signifikant Aart a Weis b\u00e4izedroen.<\/p>\n
Fir datt awer d\u00e9i Meenung zur Realit\u00e9it ka ginn, muss den OGBL seng lokal Struktur an hirt Fonctionnement un d\u2019Z\u00e4it vun haut upassen.<\/p>\n
A well et schons 5 virun 12 ass a mir keng Z\u00e4it m\u00e9i ze verl\u00e9ieren hunn, musse mir elo bereed sinn, noutwendeg Reformen virzehuelen a schnell an d\u2019Wee\u00ebr ze leeden.<\/p>\n
Net er\u00e9ischt muer oder iwwermuer, well da w\u00e4ert et ze sp\u00e9it sinn.<\/p>\n
An dat w\u00eblle mer net. Dat w\u00ebll keen hei bannen.<\/p>\n
Et besteet akuten Handlungsbedarf, well mer jo och w\u00ebssen, datt all Reform an d\u00ebser Saach seng Z\u00e4it brauch bis se richteg an der Praxis \u00ebmgesat ass an hir Friichten dr\u00e9it.<\/p>\n
D\u2019Propositioun vun der Statutekommissioun ass e ganzt kloer Bekenntnis fir de geographesche Pilier vum OGBL.<\/p>\n
Et geet dr\u00ebms, datt d\u2018lokal Sektiounen iwwerliewe k\u00ebnnen, datt si er\u00ebm eng gewerkschaftlech Aktivit\u00e9it entfale k\u00ebnnen, d\u00e9i all Schichten an all Generatioune vun eise Memberen a Gewerkschafter unzitt an interess\u00e9iert.<\/p>\n
D\u00ebst Objektiv ka just erreecht ginn, wann d\u00e9i gesamt lokal Struktur m\u00e9i einfach, m\u00e9i schlank a m\u00e9i modern g\u00ebtt.<\/p>\n
Mir brauchen en neien Typ vu Lokalsektioun, d\u00e9i m\u00e9i breed opgestallt ass, d\u00e9i eng besser Chance huet fir en aktive K\u00e4r opzebauen, d\u00e9i m\u00e9i eng kritesch Mass vu Memberen erreeche kann an doduerch e m\u00e9i breed gef\u00e4chert Ugebot vu gewerkschaftlechen Aktivit\u00e9iten \u00ebmsetze kann a gl\u00e4ichz\u00e4iteg seng materiell M\u00ebttelen m\u00e9i rationell asetze kann.<\/p>\n
D\u00e9i fl\u00e4chem\u00e9isseg Ausdehnung vun de Sektiounen w\u00e9i se virgeschloe g\u00ebtt, mecht eng zweet iwwergeuerdnet Struktur a Form vu Regionalen iwwerfl\u00ebsseg.<\/p>\n
Doriwwer eraus muss och dat internt Fonctionnement vun de Sektiounen modernis\u00e9iert ginn.<\/p>\n
An duerch d\u2019Af\u00e9ierung vun engem nationale professionelle Service soll \u00ebnnert der Leedung vun de Sektiounen net n\u00ebmmen eng verd\u00e9iften Zesummenaarbecht a gemeinsam Aktivit\u00e9ite vun de Sektiounen gef\u00f6rdert ginn, m\u00e4 virun allem och eng efficace \u00cbnnerst\u00ebtzung fir e m\u00e9i breed opgestalltent Aktivit\u00e9itsugebot, entstoen.<\/p>\n
De Wee ass net einfach, m\u00e4 mir mussen e prob\u00e9ieren.<\/p>\n
Et ass e Versuch deen et w\u00e4ert ass. An deen et w\u00e4ert ass, datt e vun der ganzer Gewerkschaft, vum ganzen OGBL, \u00ebnnerst\u00ebtzt g\u00ebtt.<\/p>\n
Ech hunn et virdruns scho gesot.<\/p>\n
An den \u00e9ischte Joerz\u00e9ngten vun eiser fr\u00e4ier Gewerkschaftsbeweegung huet de facto d\u00e9i gesamt gewerkschaftlech Aktivit\u00e9it um Niveau vun der lokaler Struktur stattfond.<\/p>\n
Duerno \u00ebnnert dem LAV an dem OGBL ass progressiv e groussen Deel vun d\u00ebsen Aktivit\u00e9iten op aner Strukturen eriwwergaangen a verdeelt ginn.<\/p>\n
Ech hu vun de Syndikater a vum SICA geschwat.<\/p>\n
Ech muss awer och nach vun der Gesch\u00e4ftsf\u00e9ierung vum OGBL, vun eisem Service fir d\u2019S\u00e9curit\u00e9 Sociale a vun eisem Europasekretariat schw\u00e4tzen, d\u00e9i jo och am Verlaf vun der Z\u00e4it sech erausentw\u00e9ckelt hunn respektiv geschaf goufen.<\/p>\n
An zwar als \u00c4entwert op d\u00e9i allgemeng gesellschaftlech Entw\u00e9cklung an allen Dom\u00e4ne vun der staatlecher Politik an der supranationaler, sprech europ\u00e4escher an internationaler Politik.<\/p>\n
D\u00e9i Strukture represent\u00e9ieren a vertrieden eis gewerkschaftlech Interessen am politische Raum, mandat\u00e9iert duerch \u2018D\u00e9cisioune vun eisem Kongress, dem Nationalvirstand an der Exekutiv.<\/p>\n
An ech w\u00ebll och net d\u00e9i gewuesse Bedeitung an all d\u00ebse Froen vun der Chambre des Salari\u00e9s vergiessen, d\u00e9i \u00ebnnert der Majorit\u00e9it an dem Impuls vum OGBL e grousse Sprong no vir gemaach huet.<\/p>\n
Am Verglach zu hirer historescher Vergaangenheet ass och bei eise gesamtgewerkschaftlechen Aktivit\u00e9iten d\u2019geographesch, d\u00e9i regional a lokal Struktur vum OGBL \u00ebmmer m\u00e9i an den Hannergrond ger\u00e9ckelt.<\/p>\n
H\u00e4tten den LAV an duerno den OGBL en anere Wee k\u00ebnne goen?<\/p>\n
H\u00e4tten d\u2019Syndikater, h\u00e4tten eis Abteilungen, h\u00e4tten eis aner politesch Strukturen an h\u00e4tt eis d\u2018Fonctionnement insgesamt, ech denken do un eis technesch a logistesch Servicer, eisen D\u00e9partement juridique, eis Gestioun vun de Memberen, eis Presse- a Publikatiounsabteilung net entstoe sollen?<\/p>\n
Nee, dee Wee wor richteg an e wor noutwenneg. Wa mer haut also iwwert d\u2019Zukunft vun der geographescher Struktur diskut\u00e9ieren an d\u00e9cid\u00e9ieren, da kann et net ee Wee zer\u00e9ck an d\u2019Vergaangenheet sinn, m\u00e4 et muss e Wee sinn, an dat ass den d\u00e9cisive Punkt, deen d\u00e9i geographesch Struktur, hirt Fonctionnement an hir Aktivit\u00e9it esou upassen, datt si aus deem Isolement erausk\u00ebnnt, an deem si sech haut leider \u00ebmmer m\u00e9i zum Rescht vun der gewerkschaftlecher Aktivit\u00e9it an dem gewerkschaftleche Liewen vum OGBL bef\u00ebnnt.<\/p>\n
All eis Strukture musse mat der gl\u00e4icher Vitesse weidergoen, soss kann et net fonctionn\u00e9ieren.<\/p>\n
M\u00e4 domat geet et net duer. Wann an enger Organisatioun sech \u00ebnnerschiddlech Strukturen an Aktivit\u00e9itsber\u00e4icher entw\u00e9cklen, da muss een dofir suergen, datt t\u00ebscht hinnen eng lieweg Vernetzung, en aktivt Zesummeschaffen a g\u00e9iges\u00e4itegt Respekt\u00e9ieren besteet. Fir e falscht Konkurrenzdenken oder e g\u00e9iges\u00e4itegt Ignor\u00e9ieren ass keng Plaz am OGBL.<\/p>\n
Wann d\u2019Statutekommissioun haut d\u2019Reform vun der geographescher Struktur an en neien Typ vu Lokalsektioun virschl\u00e9it, da fir hinnen d\u2019Perspektiv ze ginn, fir zwee grouss Aktivit\u00e9itsber\u00e4icher fir all eis Memberen, ob hei zu L\u00ebtzebuerg oder an der Groussregioun, op eng eiser Z\u00e4it ugepasster Form entfalen ze k\u00ebnnen.<\/p>\n
Nieft der Vertriedung vu lokale Froen an Interessen, solle si net n\u00ebmmen en neien Opschwonk an der Verbreedung vun eise gewerkschaftspolitische Virstellungen am direkte Kontakt mat all eise Memberen kr\u00e9ien, nee si sollen och den Haaptpilier vum OGBL an der Organisatioun vun de kulturellen a Fr\u00e4iz\u00e4itaktivit\u00e9iten fir eis Membere ginn.<\/p>\n
M\u00e4 d\u2019Reform soll eis nach eng aner Perspektiv ginn.<\/p>\n
Wann et eis gel\u00e9nge sollt, nei Schichten a Generatiounen vun aktive Gewerkschaftler fir d\u2019Sektiounsaarbecht ze motiv\u00e9ieren, dann hu mer d\u2019Chance, an ech kommen elo op de Gedanke vum Castegnaro\u2019s John zer\u00e9ck, datt sech er\u00ebm Verbindungen hirstelle loossen, t\u00ebscht der lokaler Sektioun an der Betribswelt, zu eise Personaldeleg\u00e9ierten, an domat zu eise Syndikater. An datt sech och er\u00ebm eng m\u00e9i staark Verbindung hirstellt mat eiser nationaler Programmatik a politischer Aktioun a Mobiliserung vun eiser Gewerkschaft.<\/p>\n
Wann eis eng nei Qualit\u00e9it bei der Vernetzung an dem Zesummeschaffe vun all eise Strukture gel\u00e9ngt, a si muss eis gel\u00e9ngen, da si mer um gudde Wee fir net n\u00ebmmen d\u00e9i geographesch Struktur aus der relativer Isolatioun an d\u00e9i se haut geroden ass, erauszehuelen, an hir eng nei Opw\u00e4ertung ze ginn, m\u00e4 mir sinn dann um gudde Wee, fir den OGBL insgesamt fir d\u2019Zukunft ze st\u00e4erken a seng Kampfkraaft ofzes\u00e9cheren.<\/p>\n
Ech hu bei der Diskussioun iwwert d\u2019Lokalsektioun vill W\u00e4ert op d\u2019Aufgab vun der Verm\u00ebttlung vun de gewerkschaftspolitesche Virstellunge vun eiser Organisatioun geschwat.<\/p>\n
Falsch wier awer ze mengen, datt sech d\u00e9i aner Strukture vum OGBL, w\u00e9i beispillsweis eis Syndikater, d\u00e9i Aufgab net zu H\u00e4erz huele missten. De Contraire ass de Fall.<\/p>\n
Em wat geet et? Bei allen \u00cbnnerscheeder, d\u00e9i et haut je no Wirtschaftsbera\u00efch, je no Aarbechtssituatioun oder Professioun bei der gewerkschaftlecher Interessensvertriedung g\u00ebtt, esou g\u00ebtt et weiderhin all d\u00e9i gemeinsam Interessen a Fuerderungen, d\u00e9i objektiv all eis Memberen betreffe, w\u00e9i z.B. d\u2019Ofs\u00e9cherung vun eisem \u00ebffentleche Sozialsystem an de staatleche Sozialleeschtungen, oder d\u2019Verdeedegung vum Index, oder d\u2019Weiderkommen an der \u00e9minent wichteger Fro vun engem sozialen Europa, fir n\u00ebmmen d\u00e9i Beispiller ze nennen.<\/p>\n
Praktesch all Dag ginn d\u00e9i an och d\u00e9i aner Errongenschaften, d\u00e9i sech d\u2019Gewerkschaftsbeweegung erk\u00e4mpft huet, politesch an ideologesch a Fro gestallt.<\/p>\n
An der Mediewelt ginn d\u2019gewerkschaftlech Positiounen insgesamt minorit\u00e4r behandelt. Dat huet natiirlech ganz vill mat de Bes\u00ebtzverh\u00e4ltnisser an der Welt vun de Medien an der Kommunikatioun ze dinn.<\/p>\n
Wa mir do e G\u00e9igewiicht w\u00eblle schafen, da musse mer, nieft all den Ustrengunge d\u00e9i mir maache, fir esou vill w\u00e9i n\u00ebmme m\u00e9iglech an de Medie pr\u00e4sent ze sinn, virun allem do, wou mer sinn, an dat ass an de Betriber, eis allgemeng gewerkschaftlech Fuerderungen a Positiounen m\u00e9i staark verm\u00ebttelen. Hei si virun allem eis Syndikater gefuerdert. Si si, w\u00e9i et de Johny Lahure um LAV-Kongress 1972 gesot huet, d\u2019Bindeglied t\u00ebscht de Betriber an de Verbandsinstanzen.<\/p>\n
Eis Betribsaarbecht, eis Zesummenaarbecht mat eise Personaldeleg\u00e9ierten d\u00e4erf sech net just op d\u00e9i Froen reduz\u00e9ieren, d\u00e9i sech spezifisch op d\u2019Aarbechts- a Lounbed\u00e9ngungen aus dem jeweilege Betribs- a Beruffsbera\u00efch vun den eenzelne Syndikater bez\u00e9ien.<\/p>\n
Mir mussen och an de Syndikater e Schr\u00ebtt m\u00e9i w\u00e4it goen.<\/p>\n
D\u00e9i national an international Gewerkschaftspolitik muss an de Syndikater, an de Syndikatsleedunge m\u00e9i staark behandelt ginn. Si muss am Kontakt mat de Personaldeleg\u00e9ierten an och an d\u2018Formatioun vun eise \u00a0Personaldeleg\u00e9ierten m\u00e9i staark afl\u00e9issen. Et geet \u00ebm d\u00e9i gewerkschaftlech Bewosstseinsbildung, d\u00e9i iwwert d\u00e9i spezifisch betriblech Missioun erausgeet. Si muss er\u00ebm m\u00e9i staark an eis alldeeglech Betribsaarbecht mat afl\u00e9issen.<\/p>\n
Dat w\u00e4ert net n\u00ebmmen e positiven Impakt op d\u2019Recrutement vun neie Membere hunn, m\u00e4 dat w\u00e4ert den OGBL weider st\u00e4erken, wann en national oder international fir eis gemeinsam Saach antrieden a mobilis\u00e9iere muss.<\/p>\n
Virun elo bal engem Mount sinn 9000 Salari\u00e9en aus dem Gesondheets- a Sozialwiesen fir hir sektoriell gewerkschaftlech Interessen, fir hir Kollektivvertr\u00e4g op d\u2019Strooss gaangen.<\/p>\n
Eist d\u2019Zil muss et sinn, datt da wa beispillsweis eisen Index er\u00ebm a Fro gestallt g\u00ebtt, eleng aus d\u00ebsem Ber\u00e4ich, dann och 9000 Leit iwwert den OGBL mobilis\u00e9ierbar sinn an op d\u2018Strooss ginn.<\/p>\n
An dat g\u00ebllt fir all Syndikater vum OGBL. Ech h\u00e4tt jo och elo de Syndikat Bau uschw\u00e4tze k\u00ebnnen, dee virun 3 Joer a sengem schw\u00e9ieren Tarifkonflikt dausende vu Salari\u00e9\u00eb mobilis\u00e9iert hat. Wat mer sektoriell f\u00e4erdeg br\u00e9nge, musse mer och national f\u00e4erdeg brengen.<\/p>\n
Fir d\u2018Syndikater propos\u00e9iert d\u2019Statutekommissioun, grad w\u00e9i et schons bei der leschter Statutereform 2006 de Fall wor, verschidden Upassungen an der Prozedur vun de Kollektivvertragsverhandlungen, Upassungen d\u00e9i an \u00e9ischter Linn drop ausgeriicht si, fir eng fr\u00e4i gewerkschaftlech Mobilis\u00e9ierung am Fall vu konfliktoresche Verhandlungen ze f\u00f6rderen.<\/p>\n
An et g\u00ebtt och propos\u00e9iert, datt sech d\u2019Syndikater innerhalb vum OGBL zesummen feder\u00e9ieren k\u00ebnnen, wa si m\u00e9i staark zesummeschaffen a sech koord\u00e9in\u00e9iere w\u00eblle fir gemeinsam gewerkschaftlech D\u00e9marchen entw\u00e9ckelen ze k\u00ebnnen.<\/p>\n
Wann ee Member am OGBL ass, huet ee Rechter an och Pflichten. Si sinn an eise Statute verankert. D\u2019Statutekommissioun propos\u00e9iert keng aschneidend Ver\u00e4nnerungen, m\u00e4 haapts\u00e4chlech Pr\u00e4zisiounen oder \u00cbmformul\u00e9ierungen. Et si Virschl\u00e9i, d\u00e9i sech opgrond vun eiser Erfahrung oder opgrond vu Froen vun der praktescher Ausleeung an Interpretatioun oder opgrond vun der praktescher Uwendung vun eenzelne Best\u00ebmmungen opgedrengt hunn.<\/p>\n
Et sinn och Virschl\u00e9i fir Upassungen, d\u00e9i haut eiser technescher an administrativer Beaarbechtung m\u00e9i gerecht ginn. Mir w\u00ebssen alleguerten, datt haut eis technesch an administrativ Beaarbechtung duerch d\u2019Informatis\u00e9ierung, duerch \u2019Digitalis\u00e9ierung, ganz aner M\u00e9iglechkeeten huet, w\u00e9i dat virun 10 oder 15 Joer de Fall wor.<\/p>\n
D\u2019Propositioune vun der Statutekommissioun, d\u00e9i sech op d\u2019Gesamtfinanz\u00e9ierung vum OGBL an op d\u2019Kotisatioune bez\u00e9ien, bedeiten och keng Ofr\u00e9ckelung vun eiser Grondapproche, m\u00e4 si sollen eng m\u00e9i kloer Definitioun an domat eng m\u00e9i kloer \u00c4entwert ginn, wat op der enger S\u00e4it de Kongress a wat op der anerer S\u00e4it de Nationalvirstand am Zesummenhang mat der Festleeung vun der Kotisatioun ze d\u00e9cid\u00e9ieren huet.<\/p>\n
Ech hunn et ganz am Ufank vu m\u00e9nger Usprooch gesot: Eng Gewerkschaft, d\u00e9i na\u00efscht un hirer St\u00e4erkt an un hirem Afloss verl\u00e9iere w\u00ebll, eng Gewerkschaft d\u00e9i sech weider entw\u00e9ckele w\u00ebll, d\u00e9i d\u00e4erf och an hirem Opbau an an hirem Fonctionnement ni stoe bleiwen.<\/p>\n
Sech \u00ebmmer \u00ebrem upassen un d\u2019Z\u00e4it an un nei Erausfuerderungen ass net just eng Saach vun enger Upassung vun de Statuten, m\u00e4 et ass och eng Saach w\u00e9i sech lafend eis eenzel Strukturen an den OGBL insgesamt sech an hirem Fonctionnement upassen, ech k\u00e9int och d\u2019Wuert vun der lafender Modernis\u00e9ierung gebrauchen.<\/p>\n
Ech hunn d\u2019Stechwuert Digitalis\u00e9ierung schons e puermol ervirgehuewen.<\/p>\n
Datt eis \u2019Digitalis\u00e9ierung vun der Wirtschafts- an Aarbechtswelt viru grouss gewerkschaftlech Erausfuerderunge stelle w\u00e4ert, dat hu mer schons um 1. Mee betount.<\/p>\n
Haut op eisem Kongress musse mer vun eiser eegener Digitalis\u00e9ierung schw\u00e4tzen. Mir f\u00e4nken net bei Null un. An dach musse mer, an dat betr\u00ebfft all eis eenzel Strukturen, d\u00e9i nei Weeer a Forme vun der Kommunikatioun an der Informatioun, d\u00e9i \u2019Digitalis\u00e9ierung ervirbruecht huet a weider undreift, ausbaue, fir net an d\u2019Hannertreffen ze kommen.<\/p>\n
Mir hunn an deene leschte Woche vill doriwwer geschwat, datt eis lescht Protestmanifestatioun d\u00e9i mer organis\u00e9iert hunn, n\u00e4mlech d\u00e9i vum 4. Juni vum Syndikat Gesondheet- a Sozialwiesen eigentlech d\u00e9i \u00e9ischt wor d\u00e9i am Virfeld, an der Phase vun der Mobilisatioun, nieft eise klassesche Mobilis\u00e9ierungsmethoden, ech schwetze vun Trakten, Pressekonferenzen an dem direkte pers\u00e9inleche Kontakt mat der Basis, gl\u00e4ichz\u00e4iteg d\u00e9i digital Informatiouns- a Kommunikatiounstechniken w\u00e9i e.a. d\u00e9i digital sozial R\u00e9seaue massiv agesat an ausgenotzt huet.<\/p>\n
An och hei g\u00ebllt: d\u2019Klassik soll net duerch dat neit ersat ginn, m\u00e4 d\u2019Klassik muss onbed\u00e9ngt duerch dat Neit erg\u00e4nzt ginn.<\/p>\n
Dat g\u00ebllt natiirlech fir all eis Forme vu gewerkschaftlecher Propaganda, Informatioun a Publikatioun.<\/p>\n
Do hu mer e ganz grousse Chantier dee keng Z\u00e4it m\u00e9i huet fir ze waarden. D\u2019Objektiv muss sinn vill m\u00e9i eng Breed an der Kommunikatioun mam Salariat an an der Informatioun fir d\u2018Salariat hei zu L\u00ebtzebuerg ze kr\u00e9ien.<\/p>\n
An och hei g\u00ebllt, datt et fir all eis Strukturen net zevill zu \u00ebnnerschiddleche Vitesse k\u00ebnnt, well och hei ganz nei M\u00e9iglechkeete bestinn vun der g\u00e9iges\u00e4iteger Vernetzung an Zesummenaarbecht. An denke mer och drun, datt all Ustrengungen, d\u00e9i mer haut an d\u00e9i Richtung maachen och ganz wichteg sinn an der Pr\u00e9paratioun fir d\u00e9i n\u00e4chst Sozialwalen.<\/p>\n
Um Enn vu menger Interventioun ass mer eppes nach ganz wichteg.<\/p>\n
Wann an eiser Gewerkschaft iwwert eis eege Strukturen diskut\u00e9iert g\u00ebtt, dann d\u00e4erf een ni vergiessen, datt ee gl\u00e4ichz\u00e4iteg iwwert all d\u00e9i aktiv Gewerkschaftler schwetzt, d\u00e9i joerelaang jo esou guer joerz\u00e9ngtelaang de Motor vun eise Strukture sinn.<\/p>\n
Ouni si, ouni hirt Engagement, ouni hir Motivatioun an ouni hir Zesummenaarbecht ka keng Struktur, ob Lokalsektioun, ob Syndikat oder Departement fonctionn\u00e9ieren.<\/p>\n
Dat \u00e9ierenamtlecht Engagement vun dem aktive Gewerkschaftler fir seng Gewerkschaft ass dat wichtegst, wat den OGBL huet.<\/p>\n
An dofir muss all aktive Gewerkschaftler, egal wou en aktiv ass, vu senger Gewerkschaft respekt\u00e9iert an \u00ebnnerst\u00ebtzt ginn.<\/p>\n
An all aktive Gewerkschaftler, dee sech engag\u00e9iert, dee weess, datt en Deel vun him selwer, vu senger Persoun a Pers\u00e9inlechkeet, en Deel vu sengem Liewen an Erliewen sech verb\u00ebnd a verbonnen ass mat d\u00e4r Struktur oder mat deene Strukturen an deenen hien aktiv ass a fir d\u00e9i hie s\u00e4i Beitrag mecht.<\/p>\n
A genee dat d\u00e4erf een n\u00ebt vergiessen, wann ee w\u00e9i haut iwwert d\u2019Zukunft, an d\u2019Perspektiven an iwwert de noutwendege Wandel vun der Gewerkschaft diskut\u00e9iert an d\u00e9cid\u00e9iert, datt ee gl\u00e4ichz\u00e4iteg iwwert d\u2019Gewerkschaftler schwetzt d\u00e9i haut, muer an iwwermuer d\u00e9i dreiwend Kraaft an deenen eenzelne Strukture vun der Gewerkschaft sinn.<\/p>\n
Ech weess, mir w\u00ebssen et alleguerten, datt et net \u00ebmmer esou einfach ass, zumols da, wann ee ganz laang aktiv ass, en neie Pad oder esou guer en neie Wee anzeschloen.<\/p>\n
Dat ass m\u00ebnschlech, a Gewerkschaftler si bekanntlech och M\u00ebnschen.<\/p>\n
M\u00e4 et si M\u00ebnschen d\u00e9i virun allem ni opginn.<\/p>\n
An dat ass och, wat ech mir fir den OGBL vu muer an iwwermuer w\u00ebnschen.<\/p>\n
N\u00e4mlech, datt de Wandel an der Kontinuit\u00e9it virun allem och eng Kontinuit\u00e9it vum Engagement ass.<\/p>\n
Den OGBL brauch jiddereen. Jiddereen, deen haut aktiv ass, soll a muss och muer an iwwermuer sech nach an der Gewerkschaft, a senger Struktur, op senger Plaz, wou e bis elo aktiv wor, er\u00ebmfanne k\u00ebnnen.<\/p>\n
Natiirlech w\u00eblle mer nei an nach m\u00e9i Leit, d\u00e9i sech fir den OGBL asetzen.<\/p>\n
M\u00e4 virun allem w\u00eblle mer, datt keen, keen een, deen haut aktiv ass, egal aus welcher Generatioun vun aktive Gewerkschaftler hie k\u00ebnnt, eist gemeinsamt Boot verl\u00e9isst.<\/p>\n
Et kann an et d\u00e4erf op kee verzicht ginn, et kann an et d\u00e4erf net op d\u2019gewerkschaftlech Erfahrung a W\u00ebsse vun all deene verzicht ginn, d\u00e9i an all de leschte Joeren a Joerz\u00e9ngten d\u2019Gewerkschaft opgebaut hunn an dem OGBL d\u00e9i St\u00e4erkt ginn hunn, d\u00e9i en haut huet.<\/p>\n
Ech hoffen, datt mer all zesummen haut eng positiv Reform maachen.<\/p>\n
Fir eis Gewerkschaft, fir d\u2019\u00cbmsetzung vun den Interesse vun all eise Memberen, vum gesamte Salariat hei zu L\u00ebtzebuerg.<\/p>\n
An eppes verl\u00e9iere mer douds\u00e9cher och net aus dem Aa: haut g\u00ebtt net propos\u00e9iert eppes um Artikel 1.4. vun eise Statuten ze \u00e4nneren. Dat ass deen Artikel, deen eis den Optrag vum Schafen vun der Eenheetsgewerkschaft mat op de Wee g\u00ebtt.<\/p>\n
Ech soen Iech Merci.<\/p>\n
<\/p>\n
Andr\u00e9 Roeltgen,
\n<\/i>President vum OGBL<\/i><\/p>\n
<\/p>","protected":false},"author":4,"featured_media":0,"template":"","categorie_communiques":[41],"syndicat":[],"acf":[],"yoast_head":"\r\n