L\u00e9if Kolleeginnen a Kolleegen,<\/p>\n
L\u00e9if Fr\u00ebnn,<\/p>\n
<\/p>\n
Merci!<\/p>\n
Ech kucken op d\u00ebs Plaz an ech si begeeschtert. Ech gesi vill Leit, dob\u00e4i vill nei Gesiichter, an dofir soen ech \u00e4ech am Numm vum OGBL all villmools Merci fir \u00e4r Pr\u00e4senz.<\/p>\n
E Merci och un all d\u2018Vertrieder vun de politesche Parteien, datt si eis de Moien nolauschtere kommen. Et ass gutt wann se hei sinn. Egal ob si aus voller Iwwerzeegung a g\u00e4r hei sinn, oder aus liichter Sympathie oder just fir ze w\u00ebssen, wou si mat eis dru sinn.<\/p>\n
Well den 1. Mee ass a bleift eisen Dag. Eise Feierdag. Den Dag vun de schaffende Leit!<\/p>\n
Den Dag, wou m\u00e4r d\u00e9i \u00e9ieren, d\u00e9i an der Vergaangenheet dofir gesuergt hunn, dass m\u00e4r haut dat hu wat mer hunn.<\/p>\n
An den Dag wou m\u00e4r kloer Akzenter setzen, dass dat wat erreecht gouf, nach kann a muss verbessert ginn.<\/p>\n
Am G\u00e9igendeel zu deem wat behaapt g\u00ebtt, ass eis n\u00e4ischt geschenkt ginn, n\u00e4ischt ass eis an de Schouss gefall, mee alles huet misse g\u00e9int, zum Deel haart Widderst\u00e4nn, erk\u00e4mpft an duerchgesat ginn. M\u00e4r vergiessen dat net.<\/p>\n
D\u00ebsen 1. Mee 2024 ass keen normalen 1.Mee. Et ass en \u00e9ischten 1. Mee no staark gewonnene Sozialwalen. Den OGBL ass a bleift d\u00e9i \u00e9ischt Gewerkschaft am Land.<\/p>\n
Fir dass och jiddereen dat versteet:<\/p>\n
Den OGBL, ass elo d\u00e9i L\u00ebtzebuerger Gewerkschaft, un d\u00e4r kee laanscht k\u00ebnnt. An dat ass gutt esou, an dat verdanke m\u00e4r \u00e4ech all!<\/p>\n
Dat gef\u00e4lt net jidderengem.<\/p>\n
De G\u00e9igendeel ass agetrueden.<\/p>\n
Den OGBL steet elo esou staark do w\u00e9i ni virdrun.<\/p>\n
D\u00ebs Sozialwale waren awer och fir vill Leit den \u00e9ischte Kontakt mat der Gewerkschaft. Vill vun hinnen erliewen haut hei hiren \u00e9ischten 1. Mee an enger neier Qualit\u00e9it: d\u00e9i vum neie Member, dem neie Personaldeleg\u00e9ierten oder dem neie Militant.<\/p>\n
Och hinne soe m\u00e4r als OGBL-Famill Merci fir hiren Engagement.<\/p>\n
All zesumme sti mer haut hei, net n\u00ebmme well et flott ass zesummen ze feieren.<\/p>\n
Mee m\u00e4r hunn ee gemeinsamen Optrag, deen eis verb\u00ebnnt, an deen heescht, d\u00e9i Leit ze verdeedegen, d\u00e9i musse schaffe fir hiert Liewen ze gestalten.<\/p>\n
An zu deene geh\u00e9ieren och d\u00e9i, d\u00e9i dat och an der Vergaangenheet hu misse maachen – d\u00e9i Pension\u00e9iert.<\/p>\n
M\u00e4r sinn d\u2019Vertrieder, jo soe m\u00e4r et offen, m\u00e4r sinn d\u2019St\u00ebmm vun deene Leit a Famillen, d\u00e9i L\u00ebtzebuerg ausmaachen, d\u00e9i de R\u00e4ichtum vum Land schafen a geschafen hunn, d\u00e9i selwer awer vill manner r\u00e4ich sinn.<\/p>\n
<\/p>\n
Kolleeginnen a Kolleegen,<\/p>\n
M\u00e4r hunn haart Z\u00e4iten hanner eis. M\u00e4r hunn d\u00e9i lescht 5 Joer haart misse k\u00e4mpfen. M\u00e4r hu misse fir eisen Index op d\u2019Strooss goen. Eleng, ouni d\u00e9i aner Gewerkschaften.<\/p>\n
M\u00e4r hu missen an der Tripartite streiden, dass d\u2019Kafkraaft vun de Leit erhale g\u00ebtt an d\u2019Energiepr\u00e4isser gedeckelt ginn. M\u00e4r hunn eis Kollektivvertr\u00e4g misse verdeedegen an neier verhandelen, an dat bis an de Streik eran.<\/p>\n
Bei der Cargolux, engem l\u00ebtzebuergesche Betrib, dee Krisegew\u00ebnner ass, an en plus de Staat Haaptaktion\u00e4r ass, hu mer missen an de Streik trieden, fir datt de Leit hir Aarbecht unerkannt g\u00ebtt.<\/p>\n
An net zu l\u00e4scht si mer bei Ampacet duerch ee vun den h\u00e4ertsten Aarbechtsk\u00e4mpf gaang, dee m\u00e4r jee kannt hunn.<\/p>\n
Bref, den OGBL huet s\u00e4i Job gemaach. En huet d\u2019Interesse vun de Leit verdeedegt. Mat alle M\u00ebttelen. Sou w\u00e9i en et \u00ebmmer gemaach huet a w\u00e9i en et \u00ebmmer w\u00e4ert maachen.<\/p>\n
Mee dofir si mer vu ville S\u00e4iten attack\u00e9iert ginn.<\/p>\n
Et ass versicht ginn eis ze isol\u00e9ieren, eis aus dem Spill ze huelen.<\/p>\n
Mee m\u00e4r waren net isol\u00e9iert. M\u00e4r sinn dat net a m\u00e4r w\u00e4erten dat ni si Kolleeginnen a Kolleegen. M\u00e4r hunn et dofir och net n\u00e9ideg eis unzebideren.<\/p>\n
Anerer hu Charmeoffensive vis-a-vis vun der Politprominenz gestart.<\/p>\n
Den OGBL huet seng Offensiven an de Betriber lanc\u00e9iert, mat de Leit, fir d\u2019Leit.<\/p>\n
Anerer hunn \u00ebnnert groussem Drock noginn an de Schwanz b\u00e4igezunn.<\/p>\n
Den OGBL huet sech net \u00ebnnerkr\u00e9ie gelooss.<\/p>\n
Anerer hunn d\u2019Sozialwale verluer,<\/p>\n
den OGBL huet se gewonnen.<\/p>\n
61% vun de St\u00ebmme fir den OGBL.<\/p>\n
Den LCGB, d\u2019ALEBA, den NGL-SNEP, d\u2019Syprolux an d\u2019FGFC deelen sech de R\u00e4scht: 39%.<\/p>\n
M\u00e9i kloer kann d\u2019St\u00ebmm vun de Salari\u00e9en an de Pension\u00e4ren hei am Land net sinn!<\/p>\n
D\u00e9i nei Regierung huet annonc\u00e9iert, datt si hannert dem sozialen Dialog g\u00e9if stoen.<\/p>\n
Ma wann dat esou ass, da f\u00e4nkt et domat un, dass si d\u2018Gewiicht an d\u2019Bedeitung vun deenen eenzelne Gewerkschaften \u00e0 leur juste valeur ze respekt\u00e9ieren huet.<\/p>\n
Eis Gewerkschaft ass net einfach eng \u00ebnner villen.<\/p>\n
An d\u00ebs Regierung wier gutt beroden, wann si net g\u00e9ing ignor\u00e9ieren, dass bei der Wal fir d\u2019Salariatskummer, d\u00e9i jo keng obligatoresch Wal ass, iwwer 200.000 Wieler hir St\u00ebmm ofginn hunn.<\/p>\n
Dat ass den Ausdrock vun enger politescher Participatioun d\u00e9i net kann ignor\u00e9iert ginn.<\/p>\n
Si g\u00ebtt eis, als Gew\u00ebnner vun d\u00ebser Wal, doriwwer eraus eng Legitimatioun, d\u00e9i keen aneren hei am Land virweise kann.<\/p>\n
A well m\u00e4r jo nach an enger L\u00e9ierphas vu verschiddenen neie Ministere sinn, soen ech et an enger diplomatesch virsichteger a p\u00e4dagogesch verm\u00ebttelbarer Form:<\/p>\n
Wann ech gelift, l\u00e9if Regierung, maacht net de Feeler, de sozialen Dialog als eng formal Veranstaltung ofzedinn.<\/p>\n
Wat m\u00e4r brauche, si seri\u00f6, politesch Verhandlungen.<\/p>\n
An dob\u00e4i huet d\u2019Regierung sech \u00ebmmer d\u00e9i absolut Majorit\u00e9it vum OGBL, d\u00e9i 61%, virun Aen ze halen a se ze respekt\u00e9ieren.<\/p>\n
Alles anescht, wier eng flagrant M\u00ebssuechtung vum demokratesche W\u00ebllen.<\/p>\n
An dat g\u00e9if enger Regierung, d\u00e9i selwer vu manner ew\u00e9i 50% vun de L\u00ebtzebuerger Awunner gedroe g\u00ebtt, net gutt zu Gesiicht stoen.<\/p>\n
Den OGBL fuerdert eng direkt Participatioun an allen Dossieren, d\u00e9i d\u2018Interesse vun de schaffende Leit an de Pension\u00e4re betreffen.<\/p>\n
Wann et \u00ebm eis Pensioune geet,<\/p>\n
wann et \u00ebm eist Aarbechtsrecht geet,<\/p>\n
wann et \u00ebm d\u2019Wunnengskris geet,<\/p>\n
wann et \u00ebm d\u2019Steierreform geet,<\/p>\n
wann et \u00ebm de Sozialstaat am allgemenge geet,<\/p>\n
wann et \u00ebm eist d\u2019Gesondheetswiese geet,<\/p>\n
wann et \u00ebm d\u2019Bildungswiese geet<\/p>\n
a wann et \u00ebm d\u2019Klimapolitik geet!<\/p>\n
An net ze vergiessen, wann et \u00ebm d\u2018national Lounpolitik geet, \u00ebm d\u2018Reform vum Kollektivvertragswiesen, a wann et \u00ebm eisen Index geet.<\/p>\n
Eis St\u00ebmm zielt, an si w\u00e4ert esou oder esou, net ze iwwerh\u00e9iere sinn. Dozou engag\u00e9iere m\u00e4r eis haut an hei.<\/p>\n
Mat anere Wierder: Gewerkschaft ass net gl\u00e4ich Gewerkschaft! 61% sinn net 28%!<\/p>\n
Beim skandal\u00e9isen Tripartitediktat vum M\u00e4erz 2022 g\u00e9int den OGBL goufen d\u00e9i 61% net respekt\u00e9iert. Esou eppes d\u00e4erf ni m\u00e9i pass\u00e9ieren!<\/p>\n
Dat ass haut de Message un d\u00e9i aktuell Regierung an dat ass och de Message un d\u2019minorit\u00e4r Gewerkschaft.<\/p>\n
Den OGBL ass bereet mat alle Gewerkschafte konstruktiv zesummenzeschaffen, mee en ass net bereet seng W\u00e4erter ze verkafen.<\/p>\n
<\/p>\n
Haut, Kolleeginnen a Kolleegen, ass och den \u00e9ischten 1.Mee no eiser Fusioun mam Landesverband. E Beispill duerfir, datt mer zesumme m\u00e9i staark sinn. En historeschen Zesummeschloss g\u00e9int d\u2018Spaltung vun de Schaffenden. Zesumme maache m\u00e4r Zukunft.<\/p>\n
D\u2019Sozialwalen hunn iwwregens och gewisen, dass eise Message vun der Eenheetsgewerkschaft weiderhin aktuell ass an och vun der Basis gedroe g\u00ebtt.<\/p>\n
Ech felicit\u00e9ieren dofir besonnesch eisen Eisebunnerkolleegen, d\u00e9i entg\u00e9int villen negative Viraussoen hir Virmuechtstellung bei der CSL-Wal, och \u00ebnnert dem neie Logo vum OGBL kloer behaapte konnten.<\/p>\n
<\/p>\n
Kolleeginnen a Kolleegen,<\/p>\n
2,44 Billiounen Dollar! Dat ass eng Zuel mat 13 Zifferen, oder anescht ausgedr\u00e9ckt 2,44 Millioune Milliounen.<\/p>\n
Eng onvirstellbar Zomm.<\/p>\n
Et ass d\u00e9i Zomm, d\u00e9i 2023 weltw\u00e4it a Milit\u00e4rausgabe gestach gouf. E Rekord, een traurege Rekord.<\/p>\n
D\u2019Gewerkschaftsbeweegung verurteelt all milit\u00e4resch Aggressioun. Wat Russland an der Ukrain m\u00e9cht, ass h\u00e9ich kriminell an duerch n\u00e4ischt ze entsch\u00ebllegen.<\/p>\n
Als Gewerkschaftler leide m\u00e4r mat de M\u00ebnschen an der Ukrain, a verurteelen op dat Sch\u00e4erfst Krichsverbriechen um ukrainesche Vollek. M\u00e4r denken un dausende vun ukraineschen a russesche Famillen, d\u00e9i onsch\u00eblleg, hir Jongen a Meedercher an d\u00ebsem s\u00ebnnlose Krich verl\u00e9ieren.<\/p>\n
Wann een ugegraff g\u00ebtt, muss een sech milit\u00e4resch wieren dierfen a k\u00ebnnen. Mee Fridden ass just m\u00e9iglech wann alles \u00ebnnerholl g\u00ebtt fir der Diplomatie an der Verhandlung eng Chance ze ginn.<\/p>\n
D\u2019Opr\u00ebschtungsspiral ass mat S\u00e9cherheet net d\u2019Solutioun fir d\u00e9i aktuell \u00ebmmer m\u00e9i fragil Welt m\u00e9i s\u00e9cher ze maachen.<\/p>\n
Den 1. Mee ass och den Dag vum Fridden, an duerfir spillt deen Dag och haut, wou e m\u00e4erderesche Krich an Europa gefouert g\u00ebtt, wou queesch duerch d\u2019Welt weider Kricher w\u00fcten, esou eng wichteg Roll.<\/p>\n
All Dag gesi m\u00e4r grausam an erschreckend Biller, d\u00e9i vun de m\u00ebnschenonwierdege Konditioune vun de Krichsaffer an der ganzer Welt temoign\u00e9ieren.<\/p>\n
Ewech kucke geet net. M\u00e4r sinn all betraff. Mee m\u00e4r refus\u00e9ieren d\u00ebs Biller als eng Fatalit\u00e9it ze accept\u00e9ieren. Kricher si vu M\u00ebnsche gemaach, dofir k\u00ebnnen a mussen se och vu M\u00ebnschen op en Enn bruecht ginn.<\/p>\n
An duerfir fuerdert den OGBL och en direkten \u201eCessez-le-feu\u201c am Noen Osten, d\u2019Befreie vun de Geiselen an eng \u00ebmfaassend an direkt humanit\u00e4r H\u00ebllef fir d\u00e9i dausende Kanner, Fraen a M\u00e4nner, d\u00e9i Affer vun engem onbaarmh\u00e4erzege Krich am Gaza sinn.<\/p>\n
Et ass inakzeptabel, dass op b\u00e9ide S\u00e4iten, radikalis\u00e9iert Elementer friddlech Entw\u00e9cklunge quasi onm\u00e9iglech maachen.<\/p>\n
D\u00e9i international Gemeinschaft bleift gefuerdert d\u00e9i raisonabel a moderat Kr\u00e4fte b\u00e4i deenen engen an deenen aneren ze st\u00e4erken, fir dat Polverfaass ze entsch\u00e4erfen.<\/p>\n
Och fir d\u00ebs Messagen ze ginn, steet den 1. Mee.<\/p>\n
<\/p>\n
Kolleeginnen a Kolleegen,<\/p>\n
Eisem esou oft geluefte Gesellschaftsmodell geet et net gutt.<\/p>\n
De soziale Fortschr\u00ebtt g\u00ebtt a Fro gestallt, jo, op ville Plaze geet d\u2019Schw\u00e4chung vun de Sozialstaaten offensiv weider.<\/p>\n
A ville L\u00e4nner g\u00ebtt d\u2019Demokratie ouni G\u00eane ugegraff. A queesch duerch Europa hunn Austerit\u00e9itspoliticken er\u00ebm Opwand.<\/p>\n
Dat ass de Buedem op deem konservativ-reaktion\u00e4r, rietsextrem a faschistesch Parteien an Europa un Afloss gewannen. Et drot eng Situatioun ze entstoen, w\u00e9i m\u00e4r se z\u00ebnter dem 2. Weltkrich net m\u00e9i erlieft hunn.<\/p>\n
All fortschr\u00ebttlech politesch Beweegungen a Parteie stinn elo an der Verantwortung sech g\u00e9int d\u00e9i Entw\u00e9cklungen an eiser Gesellschaft ze mobilis\u00e9ieren.<\/p>\n
Dat zielt natierlech och fir eis Gewerkschaftsbeweegung.<\/p>\n
Wa m\u00e4r eis elo net wieren, da risk\u00e9iere m\u00e4r vun eppes iwwerrullt ze ginn, wat m\u00e4r net w\u00ebllen, wat gronds\u00e4tzlech g\u00e9int eis Allgemenginteresse geriicht ass, wat eis Perspektive fir ee gutt Liewe fir eis a fir d\u00e9i kommend Generatiounen zerst\u00e9iert.<\/p>\n
Jo m\u00e4r mussen op d\u2019Strooss fir a ganz Europa d\u00e9i riets bis rietsextrem Beweegungen ze stoppen an eis Demokratie ze verdeedegen.<\/p>\n
Mee ech warnen: dat eleng geet net duer!<\/p>\n
Dat w\u00e4ert net vill br\u00e9ngen, wa m\u00e4r net gl\u00e4ichz\u00e4iteg dat aus der Welt schafen, wat de Virmarsch vun de Feinde vun der Demokratie verursaacht.<\/p>\n
All Dag wuessen d\u00e9i sozial a wirtschaftlech Inegalit\u00e9iten an eise L\u00e4nner a Gesellschaften.<\/p>\n
Si treffen an Europa net n\u00ebmmen d\u00e9i \u00ebnnescht, mee m\u00ebttlerweil och \u00ebmmer m\u00e9i breet Deeler vun de M\u00ebttelschichten.<\/p>\n
D\u2018Veraarmung vun \u00ebmmer m\u00e9i breeden Deeler vun der Gesellschaft an de sozialen Ofstig an d\u2019Perspektivlosegkeet, d\u00e9i si provoz\u00e9iert, ass den N\u00e4hrbuedem fir d\u00e9i brisant gef\u00e9ierlech politesch Entw\u00e9cklunge w\u00e9i mer se a villen L\u00e4nner erliewen.<\/p>\n
<\/p>\n
Kolleeginnen a Kolleegen,<\/p>\n
M\u00e4r befannen eis kuerz virun engem weidere wichtege Waltermin. D\u2019Europawalen, den 9. Juni.<\/p>\n
D\u00e9i sinn immens wichteg, virun allem fir d\u00e9i schaffend Leit. Villes wat op europ\u00e4eschem Niveau decid\u00e9iert g\u00ebtt, huet en direkten Afloss op eis Aarbechts- an op eis Liewenskonditiounen.<\/p>\n
Duerfir wielt mat! A virun allem wielt d\u00e9i progressiv Kr\u00e4ften an Europa, d\u00e9i sech fir de soziale Fortschr\u00ebtt asetzen, fir en inklusiivt Europa.<\/p>\n
D\u00e9i, d\u00e9i Europa w\u00ebllen an eng europ\u00e4esch Festung verwandelen an eng Austerit\u00e9itspolitik w\u00ebllen impos\u00e9ieren, si fir eis keng Alternativ.<\/p>\n
An och net d\u00e9i, d\u00e9i eis virmaachen deen eenzege Kritt\u00e4r fir d\u2019Wuelbefanne vun der Gesellschaft wier d\u00e9i sakrosankt Kompetitivit\u00e9it vun den Entreprisen.<\/p>\n
Hei geet et net just \u00ebm d\u00e9i rietsextrem, mee de Message geet och un der CSV hir Europapartei EVP. Mat Besuergnes erliewe m\u00e4r s\u00e4it Joren en interne Rietsruck.<\/p>\n
A m\u00e4r ginn net midd, et \u00ebmmer er\u00ebm ze widderhuelen: Sozial Gerechtegkeet kr\u00e9ie m\u00e4r ouni \u00cbmverdeelung vun uewen no \u00ebnnen net hin.<\/p>\n
Sozial Gerechtegkeet ass keen naiivt Wonschdenken, mee eng dr\u00e9ngend gesellschaftlech Noutwendegkeet.<\/p>\n
E wierklech soziaalt Europa, ass keng politesch Utopie, mee de politesche Courage, deen elo dr\u00e9ngend gebraucht g\u00ebtt.<\/p>\n
Maacht endlech Schluss mat de Sonndesrieden.<\/p>\n
St\u00e4erkt a sch\u00fctzt d\u2018Sozialstaaten an Europa an iwwerall op der Welt. Net muar oder iwwermuar, mee haut an elo!<\/p>\n
Am Moment ass et leider de Contraire wat pass\u00e9iert. Sozial Inegalit\u00e9iten an Europa gi weider erop.<\/p>\n
D\u2019Aarmut an den Aarmutsrisiko huelen zou, d\u2019Zuel vun de sougenannten \u201eWorking poor\u201c an de prek\u00e4ren Aarbechtsplazen explod\u00e9iert.<\/p>\n
D\u2018Reall\u00e9in, bis d\u00e9if an d\u2019M\u00ebttelschicht eran, entw\u00e9ckelen sech net no uewe mee ginn zer\u00e9ck.<\/p>\n
Krise gi genotzt fir d\u2019Ugr\u00ebffer op d\u2018Sozialstaaten, op d\u2019Sozial S\u00e9cherheet an op d\u2019\u00ebffentlech D\u00e9ngschtleeschtungsber\u00e4icher an Europa ze rechtf\u00e4erdegen.<\/p>\n
Sou kann et net weidergoen, net mat eis.<\/p>\n
<\/p>\n
Kolleeginnen a Kolleegen,<\/p>\n
5 Milliarde M\u00ebnschen op der Welt sinn z\u00ebnter 2020 m\u00e9i aarm ginn.<\/p>\n
Am selwechten Z\u00e4itraum sinn all d\u2018Milliard\u00e4ren op der Welt \u00ebm 3300 Milliarden US-Dollar m\u00e9i r\u00e4ich ginn. Ee Plus vu 35%, dr\u00e4imol esou h\u00e9ich w\u00e9i d\u2019Inflatioun.<\/p>\n
Dat ass esou w\u00e9i wann si b\u00e4i all Indextranche automatesch nach zwou weiderer g\u00e9ifen dob\u00e4i kr\u00e9ien!<\/p>\n
Et k\u00ebnnt nach besser: b\u00e4i deene 5 r\u00e4ichste M\u00e4nner op der Welt geet dat nach net duer. B\u00e4i hinne sinn et +100%: hiert Verm\u00e9igen huet sech verduebelt.<\/p>\n
Dat ass fir d\u00e9i 5 ee Gew\u00ebnn vu 14 Milliounen US-Dollar, net pro Mount oder pro Woch, mee pro Stonn.<\/p>\n
Stellt \u00e4ech vir: Dat heescht hei, w\u00e4rend der Z\u00e4it vun der Ried h\u00e4tte mer elo all 14 Milliounen Dollar m\u00e9i. Ech g\u00e9if dann och nach 2 Stonne m\u00e9i laang schw\u00e4tze wann der w\u00ebllt.<\/p>\n
D\u00e9i R\u00e4ich hu mat hire Kolleege Politiker weltw\u00e4it d\u2019Verm\u00e9igenssteier ofgeschaaft oder zum L\u00e4cherleche verkomme gelooss. Och zu L\u00ebtzebuerg.<\/p>\n
Si orchestr\u00e9iere weltw\u00e4it den Dumping vun der Betribsbesteierung an de Kapitalrevenuen.<\/p>\n
Hiert Resultat ass bemierkensw\u00e4ert an den Ausdrock vun der massiivster Ausbeutung g\u00e9int d\u2019schaffend Leit op der ganzer Welt.<\/p>\n
D\u00ebs Konzentratioun vun \u00ebmmer m\u00e9i Kapital a Verm\u00e9igen a w\u00e9inegen H\u00e4nn \u00ebnnerwandert a verletzt eis Interesse vun Dag zu Dag \u00ebmmer m\u00e9i.<\/p>\n
All d\u00e9i Billiounen Euro, d\u00e9i an d\u00e9i falsch Richtung lafen, feele fir Grondbedierfnesser vu Milliarde vu M\u00ebnschen, feelen an der Bildung, feele fir d\u2019Gesondheetsversuergung, feele fir d\u2019Sozial S\u00e9cherheet, feele fir vill wirtschaftlech an \u00ebffentlech Investitiounen a feelen am Kampf vun der M\u00ebnschheet g\u00e9int d\u2018Klimakatastroph a fir de Schutz vun eisen natierleche Ressourcen.<\/p>\n
D\u00e9i gigantesch Verdeelung vun \u00ebnnen no uewen ass d\u2018Resultat vun enger ongezigelter, kapitalistescher Ausbeutung vun der Aarbecht an den natierleche Ressourcen.<\/p>\n
Si ass li\u00e9iert mat enger katastrophaler, \u00ebmmer m\u00e9i ongerechter Steierpolitik d\u00e9i an deene leschte Joerz\u00e9ngten a quasi alle L\u00e4nner vun der Welt \u00ebmgesat gouf. Och zu L\u00ebtzebuerg.<\/p>\n
An anere Wierder, den Triple A vu ganz vill Mis\u00e4r op der Welt. Och zu L\u00ebtzebuerg.<\/p>\n
D\u2019Thees vum sougenannten Trickle-down Effekt \u2013 kuerz erkl\u00e4ert: wann et de R\u00e4iche besser geet, da sickert dat och no \u00ebnne fir d\u00e9i aner Schichten an der Gesellschaft – ass en ideologescht M\u00e4rche vun de Superr\u00e4ichen, dat si iwwert de Wee vun hire gesponserten Denkfabricken a Politiker an iwwert hir Mediekonzerner eis all Dag prob\u00e9ieren ze verklickeren. Och zu L\u00ebtzebuerg.<\/p>\n
D\u2019Realit\u00e9it ass eng aner: ee giganteschen Trickle-up an d\u2019T\u00e4sche vu ganz w\u00e9inegen, op K\u00e4schte vun der Liewensperspektiv vun der gesamter M\u00ebnschheet an den nofollgende Generatiounen.<\/p>\n
Dat huet scho beim Reagan a beim Thatcher net geklappt an dat klappt och net beim Frieden.<\/p>\n
<\/p>\n
Kolleeginnen a Kolleegen,<\/p>\n
D\u2019Geschicht huet eis eppes gel\u00e9iert: d\u00e9i iewescht Schicht, an \u00e9ischter Linn d\u00e9i Superr\u00e4ich, hunn nach \u00ebmmer ganz gutt mat autorit\u00e4re Regimmer gelieft. Si sinn net d\u00e9i, d\u00e9i d\u2018Demokratie f\u00ebrderen, au contraire!<\/p>\n
Si sinn et d\u00e9i w\u00e4it ewech si vun dem Ausbau an dem Schutz vun den demokratesche Rechter, si si w\u00e4it ewech vum Kampf g\u00e9int all Forme vun Diskriminatiounen a Friemenhaass an eiser Gesellschaft.<\/p>\n
An dodrun \u00e4nneren och hir zur Show gestallte philanthropesch Fondatiounen n\u00e4ischt, d\u00e9i si meeschtens vun deem klenge Rescht vun de Steieren, d\u00e9i si bezuelen, och nach ofsetze k\u00ebnnen.<\/p>\n
<\/p>\n
Kolleeginnen a Kolleegen,<\/p>\n
Sou w\u00e9i elo scho 5 mol gesot: och zu L\u00ebtzebuerg ass et net anescht.<\/p>\n
Och wann d\u2019Regierung sech an de Sonndesrieden domat bretzt, si w\u00e9ilt keng Austerit\u00e9itspolitik maachen an d\u2019\u00ebffentlech Investissementer h\u00e9ichhalen, dann ass dat jo wuel de Minimum, mee dierf awer hannerfrot ginn.<\/p>\n
Well och wa verschiddener eis et net zoutrauen, och m\u00e4r k\u00ebnne rechnen:<\/p>\n
W\u00e9i soll et m\u00e9iglech sinn an Zukunft de Milit\u00e4rbudget ze verdr\u00e4ifachen, de Budget an d\u2019Gl\u00e4ichgewiicht ze br\u00e9ngen, 30 Prozent Verscholdungsgrenz anzehalen, Steiere fir Betriber erofsetzen, d\u2019Fongenindustrie iwwer d\u2018Taxe d\u2019abonnement ze entlaaschten an esouguer och nach, wann dann nach eppes Rescht ass, e puer Steierkaddoe fir Privatpersounen ze maachen? W\u00e9i soll et do m\u00e9iglech sinn och nach eis Sozialsystemer ofzes\u00e9cheren, an d\u2019Investissementer an d\u2019Infrastrukturen an d\u2019Klima h\u00e9ichzehalen?<\/p>\n
Drastesch m\u00e9i Ausgaben, mat drastesch manner Recetten?!<\/p>\n
Erlaabt eis, l\u00e9if Regierung, dass m\u00e4r skeptesch bleiwen.<\/p>\n
A sidd \u00e4ech bewosst, dass m\u00e4r w\u00e4erten oppassen, dass wann \u00e4r Rechnung net opgeet, net m\u00e4r, d\u2019Salari\u00e9en, muar fir \u00e4r verpasste Chanc\u00eb vun haut w\u00e4erte bezuelen.<\/p>\n
<\/p>\n
Kolleeginnen a Kolleegen,<\/p>\n
Eise Steiersystem ass fundamental ongerecht.<\/p>\n
An dat net er\u00e9ischt z\u00ebnter g\u00ebschter, mee schonns z\u00ebnter op d\u2019mannst virg\u00ebschter.<\/p>\n
Z\u00ebnter Joerz\u00e9ngte gi Steierreforme mat Entlaaschtunge fir d\u2019Leit versprach, \u2026 pass\u00e9iert ass awer net vill.<\/p>\n
An d\u00e9i nei Regierung huet hir ugek\u00ebnnegt Steierreform elo och schonns no hanne verr\u00e9ckelt.<\/p>\n
D\u2019Steierreform zu L\u00ebtzebuerg k\u00ebnnt eis vir w\u00e9i een Horizont an der Karibik: wat ee m\u00e9i no dob\u00e4i k\u00ebnnt, wat ee m\u00e9i w\u00e4it ewech ass.<\/p>\n
D\u00e9i allergr\u00e9issten Ongerechtegkeet ass jo d\u00e9i, dass een op der Pai vill, vill m\u00e9i Steiere bezilt ew\u00e9i op de Revenue vum Kapital. Bei ronn 5000 Euro Pai bezilt ee 7 mol m\u00e9i Steiere ew\u00e9i b\u00e4i 5000 Euro Dividenden.<\/p>\n
Gerecht geet anescht: Kapital muss d\u2018selwecht besteiert gi w\u00e9i Aarbecht.<\/p>\n
Eist Land brauch Steierrecetten. Dofir musse mer d\u2019Sue siche goe wou se sinn. An et gi Plaze wou der vill sinn.<\/p>\n
M\u00e4r brauchen endlech eng seri\u00f6 Verm\u00e9igenssteier, net fir d\u00e9i Normalstierflech, mee fir d\u00e9i mat richteg vill Verm\u00e9igen. An dat ass keng N\u00e4iddiskussioun. Mee wann d\u2019Rechnung soll opgoen, da mussen d\u00e9i Superr\u00e4ich zum Allgemengwuel b\u00e4idroen. Net n\u00ebmmen zu L\u00ebtzebuerg, awer och zu L\u00ebtzebuerg.<\/p>\n
A m\u00e4r brauchen eng seri\u00f6 Besteierung vum Groussgrondbes\u00ebtz. M\u00e4r mussen d\u2019Spekulatioun deier maachen.<\/p>\n
A m\u00e4r mussen ophalen de Betriber weider steierlech Kaddoen ze maachen. D\u2019Betribsbesteierung, ass schonns \u00ebnnert der leschter Regierung zweemol erofgesat ginn.<\/p>\n
An d\u00e9i nei konservativ-liberal Regierung w\u00ebll do nach eng droplee\u00ebn. An do g\u00ebtt sech net w\u00e9i b\u00e4i den \u201ePersonnes physiques\u201c, de Privatleit, laang Z\u00e4it gelooss. D\u2019Betriber sollen direkt d\u2018n\u00e4chst Joer mol eng \u00e9ischt Steiererliichterung kr\u00e9ien. Dat kascht iwwer 170 Milliounen Euro.<\/p>\n
D\u2019Patronat verlaangt hir politesch Dividend vun de Patronatsparteien direkt. An d\u2019Regierung kuscht!<\/p>\n
Den OGBL verlaangt eppes ganz anescht: eng \u00cbmverdeelung vun der Steierlaascht vun \u00ebnnen no uewen.<\/p>\n
An dat heescht och ganz konkret, m\u00e4r brauchen en neie Steierbar\u00e8me. Well och hei sinn d\u2018Ongerechtegkeeten evident.<\/p>\n
D\u00e9i niddreg an d\u00e9i m\u00ebttel Akommesschichte sollen a musse manner Steiere bezuelen. An d\u00e9i h\u00e9ich m\u00e9i. De Mindestloun muss steierfr\u00e4i sinn.<\/p>\n
A schlussendlech Kolleeginnen a Kolleegen, muss d\u00e9i automatesch Upassung vun der Steiertabell un d\u2019Inflatioun endlech agefouert ginn. Dat g\u00ebllt och fir d\u2019Upassung vun de Steierkreditter un d\u2019Inflatioun.<\/p>\n
Wann dat net pass\u00e9iert, verl\u00e9iere mer all weider a weider u Kafkraaft. Et geet elo duer, d\u2019Regierung muss dat direkt maachen, elo!<\/p>\n
A wa mer b\u00e4i der Steiergerechtegkeet sinn, dann heescht dat natierlech och, datt et muss gerecht sinn t\u00ebschent all deenen, d\u00e9i zu L\u00ebtzebuerg schaffen, egal op Residenten oder Frontalieren.<\/p>\n
<\/p>\n
Well Kolleeginnen a Kolleegen,<\/p>\n
Den 1. Mee ass och en internationalen Dag, dee keng national Grenze kennt.<\/p>\n
An dat ass grad fir eis esou wichteg, wou mer an engem Land sinn, wou bal d\u2019Hallschent vun de schaffende Leit Frontaliere sinn.<\/p>\n
Wou mer dach an allen ekonomesche Secteuren esou drop ugewise sinn, datt eis Kolleege Grenzg\u00e4nger all Dag Kilometere vun doheem fortfuere fir hei schaffen ze kommen.<\/p>\n
An awer si mer \u00ebmmer er\u00ebm mat politeschen Entscheedunge konfront\u00e9iert, duerch d\u00e9i iwwer 250.000 Salari\u00e9en einfach ausgeschloss ginn.<\/p>\n
Sief et b\u00e4i de Bourses d\u2019\u00e9tudes, gratis Maisons relais, gratis Schoulbicher, gratis Kantinnen, \u00cbnnerscheeder b\u00e4i der Sozialvers\u00e9cherung, b\u00e4i der Besteierung, \u2026 an alles dat sinn n\u00ebmmen e puer Beispiller.<\/p>\n
Et l\u00e0 je m\u2019adresse d\u2019abord \u00e0 vous, chers coll\u00e8gues fran\u00e7ais et belges, vous qui \u00eates 175 mille \u00e0 passer tous les jours la fronti\u00e8re pour venir enrichir notre pays. Non, nous n\u2019acceptons pas et n\u2019accepterons jamais que vous soyez discrimin\u00e9s par la politique de ceux qui ne vous voient pas parce que vous ne faites pas partie de leur \u00e9lectorat.<\/em><\/p>\n Und nein liebe Kolleginnen und Kollegen aus Deutschland, auch euch kann man die \u00dcberstunden nicht anders besteuern als allen anderen Arbeitnehmern, nur weil ihr in Deutschland wohnt. Ihr arbeitet hier und m\u00fcsst somit die gleichen Rechte haben wie alle anderen.<\/em><\/p>\n Die Diskussionen um das neue Steuerabkommen zwischen Deutschland und Luxemburg sind ein regelrechtes Trauerspiel.<\/em><\/p>\n Wir fordern den neuen Finanzminister auf, schnellstens Klarheit zugunsten unserer deutschen Kolleginnen und Kollegen zu schaffen. Zumindestens ein sofortiges Moratorium bei der retroaktiven Besteuerung muss kurzfristig umgesetzt werden.<\/em><\/p>\n <\/p>\n L\u00e9if Kolleeginnen a Kolleege Frontalieren,<\/p>\n D\u2019L\u00ebtzebuerger Ekonomie brauch \u00e4ech. D\u2018L\u00ebtzebuerger Politik seet, m\u00e4r mussen d\u2019Ekonomie st\u00e4erken.<\/p>\n Mee wann een dat seet, da muss ee konsequent sinn.<\/p>\n Ma wann d\u2019L\u00e9in uf\u00e4nken an den Nopeschl\u00e4nner m\u00e9i h\u00e9ich ze ginn, wann de Bensinn \u00ebmmer m\u00e9i deier g\u00ebtt, an den \u00ebffentlechen Transport net duergeet fir aus \u00e4ren Heemechtsgemengen op L\u00ebtzebuerg ze kommen, wann den dagdeegleche Stau \u00ebmmer m\u00e9i laang g\u00ebtt, d\u2019Aarbechtsz\u00e4iten an D\u00e4itschland, Frankr\u00e4ich an der Belsch m\u00e9i kuerz sinn ew\u00e9i hei, wann een aus steierleche Gr\u00ebnn manner T\u00e9l\u00e9travail ka maache w\u00e9i d\u2019Residenten zu L\u00ebtzebuerg, wann deelweis Iwwerstonne m\u00e9i besteiert ginn \u2026 ma wien mengt der dann, l\u00e9if Politiker a Patronatslobbyisten, wien mengt d\u00e4r, dass dann an Zukunft nach w\u00ebll heihi schaffe kommen??<\/p>\n An all deene Problember\u00e4icher muss d\u2019Politik erw\u00e4chen an dr\u00e9ngendst handelen. Och g\u00e9int d\u2019Meenung vun de Patronatsverb\u00e4nn, well et eben net n\u00ebmmen \u00ebm deen een oder anere Betrib geet, mee ganz einfach \u00ebm Funktiounsf\u00e4egkeet vum ganze Land.<\/p>\n A wann dat net geschitt, dann ass d\u2018\u201eP\u00e9nurie de main d\u2019oeuvre\u201c nach op eemol zur \u00cbnnerdreiwung vum Joer mut\u00e9iert.<\/p>\n <\/p>\n Kolleeginnen a Kolleegen,<\/p>\n M\u00e4r brauche besser L\u00e9in zu L\u00ebtzebuerg.<\/p>\n Et geh\u00e9iert zu eisem K\u00e4rgesch\u00e4ft fir d\u00e9i ze verhandelen, an de Kollektivvertr\u00e4g.<\/p>\n An et geh\u00e9iert och zu eisem Optrag, eis dofir anzesetzen, datt och politesch fir m\u00e9i Kafkraaft gesuergt g\u00ebtt.<\/p>\n Den OGBL ass d\u00e9i eenzeg Gewerkschaft hei am Land d\u00e9i d\u00ebs Missioun an de leschte Joren erf\u00ebllt huet.<\/p>\n Wann haut den Index normal funktion\u00e9iert a keng eng Indextranche verluer gaangen ass, dann ass dat eise Merite a m\u00e4r sinn houfreg op eis Gewerkschaft, d\u00e9i dat mat hire Memberen an hire Personaldeleg\u00e9ierten a Militante f\u00e4erdeg bruecht huet. A wann den OGBL net gewiescht wier, dann h\u00e4tte mer haut b\u00e4i eise L\u00e9in a Pensiounen ee Lach, an zwar vun all deenen Indextranchen, d\u00e9i ouni den OGBL ewechgefall wieren.<\/p>\n A wann eng Regierung op d\u2019Iddi sollt kommen, ee Jota um Indexgesetz \u00e4nneren ze w\u00ebllen, da sti mer er\u00ebm genee esou op!<\/p>\n Den Index verh\u00ebnnert, dass eise reale Loun duerch d\u2019Inflatioun \u00ebnner d\u2019Rieder k\u00ebnnt.<\/p>\n D\u00e9i sozial K\u00e4mpf a Streiken am Ausland weisen, wat geschitt wa keen esou een Instrument do ass.<\/p>\n Si weisen awer och, w\u00e9i wichteg den Index fir de soziale Fridden hei am Land ass. Den Direkter vun der Handelskummer an aner Patronatsvertrieder gi gutt dofir bezuelt fir dat net w\u00ebllen ze verstoen a \u00ebmmer er\u00ebm g\u00e9int den Index mobil ze maachen.<\/p>\n Wei gesot, den Index ass \u00ebmmer n\u00ebmmen een Ausgl\u00e4ich fir Reallounverloschter. Wann een allerd\u00e9ngs ofs\u00e9chere w\u00ebll, dass de reale Loun sech mat der Wirtschaftsleeschtung entw\u00e9ckelt a si net exklusiv an den T\u00e4sche vun Aktion\u00e4ren a Betribsbes\u00ebtzer verschw\u00ebnnt, da brauch een och e staarkt Kollektivvertragswiesen.<\/p>\n D\u2018Viraussetzung fir ee staarkt Kollektivvertragswiesen ass net n\u00ebmmen eng staark Gewerkschaft, mee och ee Kollektivvertragsgesetz dat der Z\u00e4it ugepasst ass.<\/p>\n Dat aktuellt Gesetz g\u00ebtt scho laang net m\u00e9i de Betribsstrukturen a Betribsber\u00e4icher vun haut gerecht.<\/p>\n Et ass esou, w\u00e9i wa m\u00e4r nach \u00ebmmer am leschte Joerhonnert w\u00e4ren.<\/p>\n D\u00e9i lescht Regierung hat schonns d\u2018Diskussioun iwwert eng Reform an hirem Programm vun 2018 stoen. Et ass n\u00e4ischt pass\u00e9iert.<\/p>\n M\u00ebttlerweil g\u00ebtt et eng europ\u00e4esch Direktiv, d\u00e9i vun all Land bis Enn 2024 een Aktiounsplang verlaangt fir op en Taux de couverture vum Kollektivvertragswiesen op 80% ze kommen. Dat ass zu L\u00ebtzebuerg e w\u00e4ite Wee well mer aktuell b\u00e4i ronn 50% leien.<\/p>\n Den OGBL fuerdert d\u00e9i nei Regierung dozou op ze handelen.<\/p>\n An zwar am sozialen Dialog an an der Verhandlung mat eis.<\/p>\n D\u2019Resultat muss eng Gesetzesinitiativ fir ee bessert an ugepasst Kollektivvertragsgesetz sinn.<\/p>\n An ech soen et haut ganz kloer: Ee Kollektivvertrag ass een Ofkommes dat mat den nationalrepr\u00e4sentative Gewerkschaften ausgehandelt g\u00ebtt \u2013 an n\u00e4ischt anescht.<\/p>\n Dat huet Europa verstanen, an dat sollen och ganz schnell hei am Land all d\u00e9i Politiker a Patronatsvertrieder verstoen, d\u00e9i doriwwer fabul\u00e9ieren, aleng mat hire Salari\u00e9\u00eb Kollektivvertr\u00e4g ze verhandelen.<\/p>\n Ween och n\u00ebmmen hofft, de System vun der nationaler Repr\u00e4sentativit\u00e9it ze \u00ebnnergruewen, \u00ebnnergrueft d\u2019Fundament op deem de soziale Fridden hei am Land opgebaut ass.<\/p>\n Dat ass eng rout Linn, een No-go fir den OGBL.<\/p>\n An d\u00ebs Remark bezitt sech och op eng ganz Rei vu r\u00e9ckschr\u00ebttlechen Iddie wat d\u2019Gestaltung vun den Aarbechtsz\u00e4iten ugeet.<\/p>\n Eng Verschlechterung vun eisem Aarbechtsgesetz a punkto Aarbechtsz\u00e4iten ass inakzeptabel.<\/p>\n M\u00e4r musse manner Stonne schaffen. Net m\u00e9i. D\u2019Aarbecht dierf eis net krank maachen. M\u00e4r brauche gutt Aarbechtsbedingungen a gutt L\u00e9in. S\u00e9cher Aarbechtsplazen. Och fir d\u00e9i n\u00e4chst Generatiounen.<\/p>\n M\u00e4r w\u00ebllen a m\u00e4r brauche kee System vu Sch\u00e4inselbstst\u00e4nnegen ouni Rechter a Sozialvers\u00e9cherung, keng CDDen an Interimsplazen \u00e0 gogo, keng prek\u00e4r Aarbechtsbedingungen a st\u00e4nneg Angscht virun Entloossungen.<\/p>\n \u00cbnnert der Verantwortung vum L\u00ebtzebuerger EU-Kommiss\u00e4r ass elo endlech eng Direktiv zu der Plattformaarbecht ugeholl ginn. Si ass alles anescht ew\u00e9i perfekt, mee bedeit awer eng weesentlech Verbesserung fir d\u00e9i, d\u00e9i bis elo total ongesch\u00fctzt \u00ebnnert deene prek\u00e4erste Konditiounen hu misse schaffen.<\/p>\n M\u00e4r fuerderen eis Regierung elo op d\u00ebs Direktiv ganz schnell a L\u00ebtzebuerger Recht \u00ebmzesetzen, an zwar direkt. Et ass schonns ze vill Z\u00e4it vergeud ginn.<\/p>\n M\u00e4r fuerdere gutt a s\u00e9cher Aarbechtsplazen, d\u00e9i engem erm\u00e9iglechen e Pr\u00eat op enger Bank ze kr\u00e9ien. An duerfir brauche mer d\u2018Gewerkschaft. Grad an Z\u00e4ite vun engem komplett enthemmte Patronat mat senge politesche Fr\u00ebnn.<\/p>\n <\/p>\n Kolleeginnen a Kolleegen,<\/p>\n Ech kann elo leider aus Z\u00e4itgr\u00ebnn net op all eenzelne Secteur agoen. Mee eis Aarbecht an de Beruffssecteure weist w\u00e9i wichteg e gutt Kollektivvertragsgesetz ass.<\/p>\n Awer och w\u00e9i wichteg eisen Asaz ass.<\/p>\n Asaz lount sech : dat beweist de Secteur vun der Restauration collective. Et ass en immens grousse Succ\u00e8s fir d\u2019Leit, z\u00ebnter 30 Joer endlech e Kollektivvertrag fir d\u00e9i dausende Besch\u00e4ftegt. Et ass d\u2019Resultat vu jorelaanger haarder Aarbecht, dass mer elo endlech e sektorielle Kollektivvertrag an deem Ber\u00e4ich erreecht hunn. E grousse Merci un all d\u00e9i vun \u00e4ech, d\u00e9i sech duerfir agesat hunn an net midd gi sinn.<\/p>\n Dat weist, dass et sech lount fir m\u00e9i Kollektivvertr\u00e4g, fir sektoriell Kollektivvertr\u00e4g ze k\u00e4mpfen.<\/p>\n <\/p>\n Kolleeginnen a Kolleegen,<\/p>\n B\u00e4i de Banken, wou mer scho laang e sektorielle Kollektivvertrag hunn, sinn d\u2019Verhandlunge grad er\u00ebm am gaangen. Mee si si w\u00e9i \u00ebmmer schwiereg.<\/p>\n Wann d\u2019Situatioun am Secteur net gutt ass, heescht et vun der ABBL: et geet net gutt, m\u00e4r k\u00ebnne keng Lounerh\u00e9ijunge maachen.<\/p>\n Wann d\u2019Situatioun gutt ass, an si ass am Moment extrem gutt wann een all dat liest vun de Rekordgew\u00ebnner, dann heescht et: et geet zwar elo gutt, mee vl\u00e4icht awer net m\u00e9i laang.<\/p>\n Mee fir w\u00e9i bl\u00f6d halen d\u00e9i eis. Si bezeechnen sech jo g\u00e4ren als d\u2019M\u00ebllechkou vum Land, ma da g\u00ebtt et och elo Z\u00e4it, dass d\u00e9i M\u00ebllech verdeelt g\u00ebtt, an an aller \u00e9ischter Linn un d\u00e9i, d\u00e9i d\u00ebs Rekordgew\u00ebnner an de Betriber gener\u00e9iert hunn, an dat sinn d\u00e9i schaffend Leit.<\/p>\n <\/p>\n Kolleeginnen a Kolleegen,<\/p>\n Wat fir d\u2019Kollektivvertragsgesetz g\u00ebllt, g\u00ebllt och fir d\u2019Aarbechtsgesetz tout court \u2013 an den empiresche Beweis dofir, dass dr\u00e9nglech Reformen ustinn, ass an de leschten Deeg zu Klierf b\u00e4i der Firma Tarkett erbruecht ginn.<\/p>\n M\u00e4r sinn och der Meenung w\u00e9i den Aarbechtsminister, dass d\u2019Virgoe vun der Firma inakzeptabel ass.<\/p>\n E Plan de maintien dans l\u2019emploi ze \u00ebnnerschreiwen, fir da kuerz drop massiv Entloossungen unzek\u00ebnnegen, ass de Geck gemaach mam Sozialdialog.<\/p>\n Et ass e M\u00ebssbrauch vun den \u00ebffentleche Gelder, d\u00e9i an de Betrib gestach gi si fir eben Aarbechtsplazen ze erhalen.<\/p>\n M\u00e4r fuerderen haut an hei, dass esou engem Virgoen um legislative Plang direkt e Rigel virgeschobe g\u00ebtt. D\u00ebs inakzeptabel Praxis dierf ni m\u00e9i k\u00ebnnen ugewannt ginn.<\/p>\n <\/p>\n Kolleeginnen a Kolleegen,<\/p>\n Den OGBL war \u00ebmmer g\u00e9int d\u2019Auslagere vun der Produktioun vu wichtege Mati\u00e8res premi\u00e8res an d\u2019Ausland. Oft si m\u00e4r dofir bel\u00e4chelt ginn.<\/p>\n D\u2018Covid-Kris huet eis elo gewisen, a w\u00e9i eng katastrophal Ofh\u00e4ngegkeete m\u00e4r eis selwer mat d\u00e4r Politik gedriwwen hunn. Dofir \u00ebnnerst\u00ebtzt den OGBL all Bem\u00e9iunge vun enger Reindustrialis\u00e9ierung an Europa w\u00e9i och hei am Land. Den Industriestanduert LU muss ofges\u00e9chert ginn. Et si schonn ze vill Aarbechtsplazen ofgebaut ginn.<\/p>\n Beim Betrib Liberty Diddeleng f\u00e4erten d\u2019Leit s\u00e4it Joren all Enn vum Mount, ob si hir Pai nach kr\u00e9ien. An elo seet Liberty si maache Faillite. D\u2019Leit w\u00ebllen einfach just schaffen. De Patron soll s\u00e4i Betrib un ee verkafen, deen d\u00e9i Fabrik seri\u00f6 dr\u00e9ine l\u00e9isst. Den OGBL fuerdert eng Zukunft fir Liberty an all seng Leit.<\/p>\n <\/p>\n Kolleeginnen a Kolleegen,<\/p>\n D\u2019Ofs\u00e9cherung vun de Sozialsystemer geh\u00e9iert zur DNA vun de Gewerkschaften. Dozou geh\u00e9iert och de Pensiounssystem.<\/p>\n D\u00e9i \u00e9ischt Deklaratioune vun der Mme Sozialministesch zum Pensiounssystem loossen n\u00e4ischt Guddes virausbl\u00e9cken. Ongefrot an ouni Uk\u00ebnnegung, ganz ouni Consultatioun, sinn Aussoe gemaach ginn, wou mer eis virdru schudderen.<\/p>\n Wann d\u00e9i Viraussoen iwwer eise Pensiounssystem – d\u00e9i \u00ebmmer er\u00ebm periodesch an der Vergaangenheet gemaach goufen – agetraff w\u00e4ren, da w\u00e4re m\u00e4r schonn x-mol an d\u00e9i ber\u00fcchtegt Rentemauer geknuppt.<\/p>\n Dat heescht net, dass ee sech net Gedanken doriwwer soll maachen, w\u00e9i d\u00ebst ganzt wichtegt Standbeen vun eisem Sozialstaat gest\u00e4erkt an ofges\u00e9chert g\u00ebtt.<\/p>\n Awer douds\u00e9cher net, w\u00e9i sech dat munch Politiker an d\u2019Patronat w\u00ebnschen, a Richtung vu m\u00e9i laang schaffen a manner Pensioun kr\u00e9ien.<\/p>\n An och douds\u00e9cher net duerch d\u2019Ausverkafe vun eisem \u00ebffentleche Pensiounssystem u privatkommerziell Assurancen.<\/p>\n Wien sech un eisem Rentesystem vergr\u00e4ift, dee m\u00e9cht d\u2018Dir op fir d\u2019Verd\u00e9iwung vun der sozialer Fraktur an eiser Gesellschaft.<\/p>\n Een No-go, eng rout Linn fir den OGBL.<\/p>\n Da gi mer op d\u2019Strooss an nach m\u00e9i w\u00e4it wann et noutwenneg soll sinn. Eis Mobilis\u00e9ierung huet haut ugefaangen!<\/p>\n Nach eng K\u00e9ier: m\u00e4r leenen eng seri\u00f6s Diskussioun iwwer d\u2019Ofs\u00e9cherung vun de Rente guer net of, m\u00e4r sinn esouguer Demandeur.<\/p>\n Mee m\u00e4r w\u00e4erten net zouloossen, dass prob\u00e9iert g\u00ebtt, d\u2018Generatioune g\u00e9int eneen auszespillen.<\/p>\n Wien haut seet e g\u00e9if am Interessi vun de kommende Generatiounen de Pensiounssystem reform\u00e9ieren, ouni opzeweisen, wou zous\u00e4tzlech M\u00ebttele sollen hierkommen, dee seet t\u00ebschent den Zeilen, dass Jonker an Zukunft mei laang musse schaffe fir herno manner erauszekr\u00e9ien.<\/p>\n Et ass schonn de Combel vun der Heuchlerei, wann een dat och nach w\u00ebll als Leeschtung am Interessi vun der jonker Generatioun duerstellen, wou genee de G\u00e9igendeel de Fall ass.<\/p>\n Ausserdeem g\u00ebtt op eng \u00e4usserst verwerflech Man\u00e9ier insinu\u00e9iert, dass haiteg Pension\u00e4ren op K\u00e4schte vun anere g\u00e9ife profit\u00e9ieren. Fir op d\u00ebs Aart a Weis ideologesch den Terrain fir Pensiounskierzungen ze prepar\u00e9ieren an duerchzesetzen.<\/p>\n D\u2019Ofs\u00e9cherung vum L\u00ebtzebuerger Pensiounssystem, ee vun de beschten op der Welt, ass eben net eng einfach mathematesch Examensfro, mee eng sozial- a gesellschaftspolitesch Erausfuerderung, d\u00e9i m\u00e9i brauch w\u00e9i Leeschtung mat Joren ze multipliz\u00e9ieren an imagin\u00e4r Maueren opzeriichten.<\/p>\n Par Conter ass et zum Beispill un der Z\u00e4it de Plaffong vun de Cotisatiounen eropzesetzen. Et g\u00ebtt kee Grond dofir dat net ze maachen. Sou kr\u00e9ie mer och m\u00e9i Suen eran.<\/p>\n An net ze vergiessen, dass m\u00e4r net fir n\u00e4ischt eng Reserv vun iwwer 23 Milliarden opgebaut hunn, eng Reserve d\u00e9i 5,5 mol de j\u00e4rlechen Depensen entspr\u00e9cht.<\/p>\n An et ginn nach ganz aner Stellschrauwe fir zous\u00e4tzlech Recetten, d\u00e9i ze diskut\u00e9iere sinn, wann d\u2019Regierung eng Pensiounsdiskussioun w\u00ebll f\u00e9ieren.<\/p>\n An ech er\u00ebnneren drun, dass et d\u2019Sozialpartner sinn d\u00e9i do um Verhandlungsd\u00ebsch ze setzen hunn. An net iergendeen aneren.<\/p>\n <\/p>\n L\u00e9if Kolleeginnen a Kolleegen,<\/p>\n An d\u00ebsen Z\u00e4ite kann et keng 1.Mee-Ried ginn, ouni un d\u2019Erausfuerderungen ze er\u00ebnneren, virun d\u00e9i d\u2019Klimakris eis all stellt.<\/p>\n Et ass evident, dass d\u2019Erreeche vun de Klimaziler, d\u00e9i m\u00e4r eis als Land, an der EU an esouguer an der Welt als Aufgab ginn hunn, mussen erreecht ginn.<\/p>\n Da musse mer eis dat kaschte loosse wat et kascht. An d\u2019Transitioun muss sozial gestalt ginn. Och dat kascht. An duerfir musse mer eis och d\u00e9i n\u00e9ideg Moyene ginn.<\/p>\n An do ass et schonn extrem beonrouegend, wann ee ges\u00e4it, dass d\u2019Investissementer an deenen n\u00e4chste Joren er\u00ebm sollen erofgoen. Dat kann net sinn.<\/p>\n Well m\u00e4r w\u00ebssen, dass wa m\u00e4r haut net handelen, da g\u00ebtt et nach vill m\u00e9i deier. A virun allem w\u00e4ert et zu schw\u00e9ieren humanit\u00e4re Katastrophen a gesellschaftleche Verwerfunge kommen, w\u00e9i d\u2019Welt se nach net gesinn huet.<\/p>\n <\/p>\n Kolleeginnen a Kolleegen,<\/p>\n Ech w\u00ebll da mat der n\u00e4chster Kris ofschl\u00e9issen, d\u00e9i eist Land z\u00ebnter Joerz\u00e9ngten tr\u00ebfft awer \u00ebmmer m\u00e9i.<\/p>\n Wann d\u00e9i, d\u00e9i hei am Land schlecht wunnen oder keng Wunneng fannen, d\u2019Geld h\u00e4tten, oder op d\u2018mannst e Gaart, fir d\u2019Politiker op Partyen ze invit\u00e9ieren, da g\u00e9if och vl\u00e4icht eng Wunnengspolitik an hirem S\u00ebnn gemaach ginn.<\/p>\n An net eng Wunnengspolitik am Interessi vun deenen, d\u00e9i sech mam Bes\u00ebtz vu Land, Bauterrainen an Immobilie g\u00ebllen Nuese verd\u00e9ngen.<\/p>\n Z\u00ebnter Joerz\u00e9ngten hunn d\u2019Regierungen et verschlof eppes ze maachen. Anstatt de Wunnmaart ze regul\u00e9ieren, hu si der Spekulatioun an dem R\u00e4ichginn um Wunnengsmaart s\u00e4i fr\u00e4ie maartwirtschaftleche Laf gelooss.<\/p>\n Den \u00ebffentleche Wunnengsbau ass zur Randerscheinung degrad\u00e9iert ginn.<\/p>\n Dat huet d\u00e9i Konsequenzen, d\u00e9i mer kennen:<\/p>\n An d\u00e9i aktuell Regierung bleift och hei hirem ideologeschen Dogma trei: nei Steierkaddoen an \u00e9ischter Linn fir d\u00e9i, d\u00e9i vill Geld hunn.<\/p>\n Obwuel d\u2019DP de Wunnengsminister stellt, huet si deen an hirem Walprogramm annonc\u00e9ierte Wumms a Richtung \u00ebffentleche Wunnengsbau \u00e0 la Wiener-Modell schonns annul\u00e9iert. Dob\u00e4i w\u00e4r genee dat de richtege Wee gewiescht.<\/p>\n Fir endlech als \u00ebffentlech Hand zu deem grousse Player ze ginn, dee positiv op d\u2019Pr\u00e4isbildung awierke kann a gl\u00e4ichz\u00e4iteg d\u2019Wunnengsnout do upake kann, wou se am st\u00e4erkste besteet. An d\u2019Baukonjunktur an d\u2019Bauaktivit\u00e9it wierklech ukuerbele kann.<\/p>\n Den OGBL fuerdert, dass de Bau vun dausende bis zu z\u00e9ngdausenden \u00ebffentleche Lokatiounswunnengen zur politescher Priorit\u00e9it bis 2040 g\u00ebtt.<\/p>\n Den OGBL fuerdert, dass endlech eng konsequent Politik g\u00e9int d\u2019Spekulatioun a g\u00e9int d\u2018exzessiivt Unheefen a privaten H\u00e4nn vu Land, Bauterrainen a vun Immobilien \u00ebmgesat.<\/p>\n Den OGBL fuerdert m\u00e9i staatlech H\u00ebllefen, awer fir d\u2019Leit, fir de Kaf vun der eegener Wunneng.<\/p>\n An den OGBL fuerdert ee Lokatiounsgesetz dat d\u2019Entw\u00e9cklung vun de Loyeren un d\u00e9i duerchschn\u00ebttlech Entw\u00e9cklung vum Akommes vun der Bev\u00eblkerung koppelt. N\u00ebmmen esou ass dat fataalt Auserneendrifte vun Akommes a Loyer,w\u00e9i mer et am Moment erliewen, ze stoppen.<\/p>\n <\/p>\n Kolleeginnen a Kolleegen,<\/p>\n M\u00e4r si frou haut e staarken OGBL ze sinn, deen zesummen hei steet fir d\u2019Interesse vun de Leit ze verdeedegen.<\/p>\n An der Pensioun an natierlech op der Aarbechtsplaz.<\/p>\n D\u2019Z\u00e4iten, d\u00e9i elo op eis zoukommen, w\u00e4erte keng einfach ginn. M\u00e4r sinn eis dat bewosst.<\/p>\n Mee m\u00e4r si prett. Fir dowidder ze goe wann et n\u00e9ideg ass. Dorunner soll keen zweifelen.<\/p>\n Aarbecht unerkennen a se gutt bezuelen. Datt muss er\u00ebm an der Vierdergrond ger\u00e9ckelt ginn.<\/p>\n An dofir sti mer all, onofh\u00e4ngeg, vu w\u00e9i engem Secteur och \u00ebmmer.<\/p>\n <\/p>\n Kolleeginnen a Kolleegen,<\/p>\n M\u00e4r all zesumme sinn den OGBL. A m\u00e4r all zesumme k\u00ebnnen eis och d\u00e4r do Erausfuerderung stellen. Am Interesse vun alle schaffende Leit, Rentner an hire Famillen.<\/p>\n Vive den 1. Mee!<\/p>\n Vive den OGBL!<\/p>\n <\/p>\n Nora Back, OGBL-Pr\u00e4sidentin, <\/strong>den 1. Mee 2024 an der Abtei Neim\u00ebnster<\/strong><\/em><\/p>\n <\/p>","protected":false},"author":5,"featured_media":31671,"template":"","categorie_communiques":[41],"syndicat":[],"acf":[],"yoast_head":"\r\n\n