D’Kandidatinnen a Kandidaten vum OGBL/Landesverband setzen sech fir folgend Ziler an:

Opwäertung vun de Karriären

Ausbau a Verbesserung vum Ëffentlechen Déngscht: Sécherung vum aktuelle Personal an Opstockung vum Effectif an de Gemengeverwaltungen a –betriber.
Der schläichender Privatiséierung z.B. duerch Sous-traitance a CDD/CDI Kontrakter am Gemengesecteur en Enn setzen.
Erhéijung vun den Ufanksgehälter fir d’Kafkraaft vun de Jonken um Wunnengsmaart ze garantéieren. Déi Jonk sëtzen tëscht de Still.
Direkt Unerkennung vun de Virdéngschtzäiten an eng vereinfacht Astellungspolitik.
De Gemengebeamtestatut konsequent anhalen an uwenden. Keen Aushielege vum Statut.

Liewensqualitéit op der Aarbecht

Méi Liewensqualitéit op der Aarbechtsplaz, well Aarbechtszäit ass och Liewenszäit.
Evaluatioun vun der Aarbechtsbelaaschtung fir dem Surmenage an dem konstante Stress en Enn ze setzen a Gemengebeamt*innen an –employéë viru Gesondheetsschied ze schützen.
Ëmsetzung vu konkrete Mesurë géint Mobbing op der Aarbechtsplaz.
Duerchsetze vun engem konsequente Recht op Ofschalten (droit à la déconnexion).
Reegelung vum Teletravail am Sënn vun de Beamt*innen an Employéen.
Demokratescht Matsproocherecht.

Kafkraaft stäerken

Aarbechtszäitverkierzung

eng schrëttweis Aarbechtszäitverkierzung ouni Lounausfall mat der Schafung vun zousätzlechen Aarbechtsplazen.
Den Ëffentlechen Déngscht muss, ewéi kierzlech an Island ëmgesat, mam gudde Beispill virgoe fir eng allgemeng Aarbechtszäitverkierzung duerchzesetzen.